Salmos 113:1-9

  • Wali alton jakir Diosajj jukʼa utjirin jaqerojj waytiwa

    • Jehová Diosan sutipajj wiñayatak jachʼañchatäpan (2)

    • “Jupajj alajjpacharu ukhamarak oraqer uñtaniñatakiw altʼasi” (6)

113  ¡Jah Diosar jachʼañchapjjam!* Jupan servirinakapa, Jehová Diosar jachʼañchapjjam,Jehová Diosan sutip jachʼañchapjjam.  2  Jehová Diosan sutipajj jachʼañchatäpan,jichhat uksarusa wiñayatakisa.+  3  Inti jalsut inti jalantkama,Jehová Diosan sutipajj jachʼañchatäpan.+  4  Taqe markanakat sipansa Jehová Diosajj jukʼamp altonkiwa,+jachʼañchäwipas alajjpachanakat sipansa jukʼamp altonkiwa.+  5  ¿Khitirak Jehová Diosasjamasti,+khitirak wali alton jakir Diosjamasti?*  6  Jupajj alajjpacharu ukhamarak oraqer uñtaniñatakiw altʼasi,+  7  jupaw humilde jaqerojj laqʼa polvot wayti. Juparakiw pobre jaqerojj qhella montonatsa wayti,*+  8  ukhamat pʼeqtʼirinakamp chika qontʼayañataki,markapankir pʼeqtʼirinakamp chika qontʼayañataki.  9  Jupasti jan wawani warmirojja,wawanakani kusisit warmiruw tukuyi.+ ¡Jah Diosar jachʼañchapjjam!*

Notanaka

^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
^ Jan ukajja, “tronopan qontʼatäki uka Diosjamasti”.
^ Ukajja, “basura taypitsa wayti” sasaw jaqokipasirakispa.
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.

Copyrights for this publication