Salmos 146:1-10
146 ¡Jah Diosar jachʼañchapjjam!*+
Taqe almajampiw* nayajj Jehová Diosar jachʼañchäjja.+
2 Taqe jakäwijanwa nayajj Jehová Diosar jachʼañchäjja.
Jakkasasti Diosajarojj alabanzanakwa cantäjja.*
3 Principenakarojj jan confiyapjjamti,janirak khiti jaqenakarus confiyapjjamti, kuna laykutejj janiw jupanakajj salvapkaspati.+
4 Kunapachatï jaqen espiritupajj* mistjje ukhajja, laqʼaruw uka jaqejj kuttʼjje,+ukürpachaw amuyunakapas tukusjjaraki.+
5 Jacobun Diosapampi yanaptʼayasir jaqejj kusisitawa,+Jehová Diosapar suytʼir jaqejj kusisitawa.+
6 Jupaw alajjpachsa oraqsa luri,lamar qotsa, taqe kunanakatï ukanakan utjki ukanaksa luri,+jupajj jan apanukusir Diosapuniwa,+
7 jupaw engañjatäpki ukanakarojj cheqapar uñji,jupaw manqʼat awtjatanakarojj tʼantʼa churi.+
Jehová Diosaw presonakarojj salvi.+
8 Jehová Diosaw juykhunakan nayranakap jistʼaraski.+
Jehová Diosaw altʼatäsipki ukanakarojj waytaski,+Jehová Diosajj cheqapar sarnaqer jaqenakarojj munasiwa.
9 Jehová Diosaw extranjeronakarojj jarkʼaqaski,jupaw jan awkini wajcha wawarusa,* viuda warmirusa uñjaski,+ukampis jan wali jaqen amtanakapjja janiw phoqasiykiti.*+
10 Jehová Diosajj wiñayatak Reyïniwa,+Sion marka, juman Diosamajj taqe jutïr jaqenakan Reyipäniwa.
¡Jah Diosar jachʼañchapjjam!*
Notanaka
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
^ Jan ukajja, “Diosatakejj music tukäjja”.
^ Jan ukajja, “samanapajj”.
^ Variante: “iñu wawarusa”.
^ Jan ukajja, “thakipjja qʼewinukuwa”.
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
