Salmos 4:1-8
Directorataki.* Cuerdan instrumentonakamp cantañataki. Davidan salmopa.
4 Taqe kuns cheqapar lurir Diosaja,+ nayajj jawsankäma ukhajj jaysakitaya.
Jan walin uñjaskä ukhajja, escapañatak mä thakiy lurtʼarapita.
Khuyaptʼayasitaya, oracionajsa istʼakitaya.
2 Jaqenakan wawanakapa, ¿kunapachkamas jumanakajj jiskʼachapjjetäta?
¿Kunapachkamas jumanakajj jan kunatak servirïki ukar munasipjjäta?
¿Kunapachkamas kunatï kʼarïki uk thaqasipkakïta? (Sélah).
3 Jumanakajj ak yatipjjam, Jehová Diosajj jupat jan jitheqtirirojj wali sum uñjani;*Jehová Diosar artʼaskä ukhajja, jupajj istʼitaniwa.
4 Jumanakatejj colerasipjjäta ukhajja, jan juchar puripjjamti.+
Kunjjay sañ munapjjsta uk chuymanakaman sapjjam, ikiñam patjjana, ukatsti amukïpjjam. (Sélah).
5 Sacrificionak loqtapkäta ukhajja, suma chuymampi loqtapjjam,Jehová Diosar confiyapjjam.+
6 Waljaniw akham sapjje: “¿Khitirak kunatï sumäki uk uñachtʼayistanisti?” sasa.
Jehová Dios Tata, ajanuman qhanapajj nanakjjar qhantʼanpan.+
7 Chuymajarojj wali kusisiñampiw phoqantistajja,khitinakatï granonaksa machaq vinsa wal apthapipki ukanakan kusisiñapat sipansa jukʼamp kusisiñampiw phoqantistajja.
8 Nayasti winktʼasïwa, sumakiw iktʼasirakëjja,+Jehová Dios Tata, juma sapakiw jan ajjsaras jakayistajja.+
Notanaka
^ “Directorataki” sasinjja, khititï cantirinakarusa musiconakarus pʼeqtʼki ukatwa parlaski.
^ Jan ukajja, “jupat jan jitheqtirirojj uñtʼaniwa; jupat jan jitheqtirirojj jupatakiw yaqhachani”.
