Salmos 31:1-24
Directorataki. Davidan salmopa.
31 Jehová Dios Tata, jumaruw nayajj imantasta.+
Nayan phenqʼachat uñjasiñaj janipun munamti.+
Cheqapar uñjirïtam laykojj salvakitaya.+
2 Naya toqer jiñchum altʼayanikimaya.*
Nayar salvañatakejj jankʼakiy jutam.+
Qollunakansa mä imantasiñaruy nayatak tukum,jachʼa perqanakan utaruy nayar salvañatak tukum.+
3 Jumaw nayan jachʼa qarqajätasa* jachʼa perqanakamp muyuntat markajätasa,+sutim laykuw+ nayarojj irpitäta, thaksa uñachtʼayitäta.+
4 Jamasat nayatak uchapki uka trampatjja* jumaw salvitäta,+kuna laykutejj jumaw nayan imantasiñajätajja.+
5 Amparamaruw nayajj espirituj katuyassma.+
Jehová Dios Tata, cheq parlir Dios Tata,* jumaw nayarojj salvistajja.+
6 Khitinakatï jan kunatak serviri ukhamarak inamaya idolonakar katuyasipki ukanakarojj nayajj uñistwa,ukampis nayajj Jehová Diosaruw confiyta.
7 Juman munasirïtamatsa jan jaytjasirïtamatsa nayajj wal kusisëjja,kuna laykutejj jumaw nayan tʼaqesitaj uñjtajja,+wal tʼaqesitajsa jumaw uñjtajja.
8 Jumajj janiw enemigojan amparapar katuykistati,jan ukasti mä seguro lugararuw saytʼayistajja.
9 Jehová Dios Tata, sumakiy nayarojj uñjita, nayan wali llakitätaj layku.
Tʼaqesitaj laykojja nayranakajajj aynachtʼatawa,+ taqpach cuerpojas aynachtʼatarakiwa.+
10 Llakin uñjasitajatjja jakäwijajj tukusiskiwa,+ayqotaj laykojja maranakajajj jukʼaptaskiwa.+
Pantjasitaj laykusti chʼamajajj tukusiskiwa.
Chʼakhanakajas debilitasiskiwa.+
11 Naya contra saytʼasirinakajj taqeniw nayar jiskʼachapjjetu,+jukʼampis vecinonakajaw jiskʼachapjjetu.
Nayar uñtʼapkitu ukanakas nayat ajjsarayasipjjewa,jaqenak nayraqatansa jupanakajj nayat escapapjjewa.+
12 Jupanakan chuymanakapat* apsutätwa, armtʼatarakïtwa, jiwatäkiristsa ukhama,nayajj pʼakjat jarrar uñtasitätwa.
13 Jaqenakarojj jan walinak parlirwa nayajj istʼta,wali ajjsarañaw nayarojj muyuntitu.+
Kunapachatï mayachtʼasisin naya contra tantachasipjje ukhajja,jakañ vidaj apaqañwa amtapjje.+
14 Ukampis Jehová Dios Tata, nayajj jumaruw confiysma,+nayajj akham sistwa: “Jumaw nayan Diosajätajja”+ sasa.
15 Jakäwijajj amparamankiwa.
Enemigonakajan amparapatsa arknaqapkitu ukanakatsa salvakitaya.+
16 Sumakiy servirimarojj uñjam,+munasirïtam laykusa jan jaytjasirïtam laykusa salvakitaya.
17 Jehová Dios Tata, kunapachatï nayajj jumar artʼasinkäma ukhajj janikiy phenqʼachat uñjasiñaj munamti.+
Jan wali jaqenakay phenqʼachat uñjasipjjpan,+jupanakay Sepulturan* amuktʼayat uñjasipjjpan.+
18 Kʼarisirinakajj amutur tukupjjpan,+jachʼa jachʼa tukusina jiskʼachasina cheqap sarnaqer contra parlirinakajj amutur tukupjjpan.
19 ¡Kunja jachʼasa suma chuymanïtamajja!+
Jumar ajjsarapktam ukanakatakiw uk imtajja,+taqe jaqenakan nayraqatapanwa uñachtʼayaraktajja, khitinakatï jumar imantasipki ukanakan askipatakiw uñachtʼaytajja.+
20 Jakʼamankki uka jamas lugararuw jupanakarojj imantäta,+jupanak contra jan walinak amtir jaqenakatwa imantäta.
Imantasiñamaruw jupanakarojj imantäta,jupanakar jiskʼachjir jaqenakatwa imantäta.+
21 Jehová Diosajj jachʼañchatäpan,kunapachatï nayajj enemigonakamp muyuntat markankkayäta+ ukhajja, munasirïtapsa jan jaytjasirïtapsa wali musparkañwa jupajj uñachtʼayitäna.+
22 Ukampis nayajj wal sustjasiyäta, akham sarakiyätwa:
“Juma nayraqatanwa nayajj jiwäjja”+ sasa.
Kunapachatï yanap mayiñatak artʼasinkayäsma ukhajja, ruwtʼasitajarojj jumajj istʼayätawa.+
23 ¡Diosat jan jitheqtirinaka, taqeni Jehová Diosar munasipjjam!+
Jupat jan saraqerirojj Jehová Diosajj jarkʼaqewa,+ukampis jachʼa jachʼa tukurinakarojj wali jachʼa castigompiw castigui.+
24 Jan ajjsarapjjamti, chuymanakamas chʼamanir tukpan,+taqe khitinakatï Jehová Diosar suytʼasipkta ukanaka.+
Notanaka
^ Jan ukajja, “Altʼasisin istʼakitaya”.
^ Variante: “jaqhejätasa”.
^ Hebreo arunjja, “qänatjja (redetjja)”.
^ Jan ukajja, “jan jaytjasir Dios Tata”.
^ Jan ukajja, “amuyunakapat”.
