Salmos 57:1-11
Directorataki. “Jan tukjamti” siski ukarjama. Davidan salmopa. Miktam.* Kunapachatï Davidajj Saúl chachat escapasin mä qollu pʼiyar imantaskäna ukhaw jupajj cantäna.+
57 Sumakiy nayar uñjita, Dios Tata, sumakiy uñjita.
Kuna laykutejj jumaruw imantasta,+jan waltʼäwinak pasañapkamajj chheqanakaman chʼiwiparuw imantasta.+
2 Jachʼa Diosaruw nayajj artʼasta,cheqpach Diosaruw artʼasta, jupaw naya laykojj jan walinak tukjaski.
3 Jupaw alajjpachatpach yanaptʼitani, salvarakitani.+
Nayar atackitu ukan amtanakapjja janiw phoqasiykaniti. (Sélah).
Diosaw munasirïtapsa jan jaytjasirïtapsa, jan apanukusirïtapsa uñachtʼayitani.+
4 Leonanakamp muyuntatätwa,+manqʼantañ munapkitu uka jaqenak taypin ikiñajawa,uka jaqenakan lakanakapajj lanzanakaru flechanakar uñtatawa,lajjranakapasti ari espadar uñtatarakiwa.+
5 Dios Tata, alajjpachanakan jumar jachʼañchaspan,oraqpachan jumar jachʼañchaspan.+
6 Jupanakajj kayunakajar katjañatakiw mä trampa wakichapjje,+llakisitaj laykojj qʼala altʼatätwa.+
Jupanakajj naya nayraqatanwa mä pʼiya pʼiysupjje,ukampis jupanak pachpaw ukar jalantapjje.+ (Sélah).
7 Dios Tata, chuymajajj jumat jan jitheqtiriwa,+chuymajajj jumat jan jitheqtiriwa.
Nayasti cantäwa, musicwa tukarakëjja.
8 Sartasikimaya, nayan chuymaja.
Cuerdanakan instrumento, jumajj sartasim. Arpa, jumajj sartasirakim.
Wali alwatwa nayajj sartasëjja.+
9 Jehová Dios Tata, markanak taypinwa jumar jachʼañchäma,+markanak taypinwa alabanzanak cantäma.*+
10 Kuna laykutejj munasirïtamasa jan jaytjasirïtamas wali jachʼawa, alajjpachanakjam wali altorakiwa,+jan jaytjasirïtamas qenayanakkamaw puri.
11 Dios Tata, alajjpachanakan jumar jachʼañchaspan,oraqpachan jumar jachʼañchaspan.+
