Salmos 72:1-20
Salomón chachat parlir mä salmo.
72 Dios Tata, kunanaktï Juezjam amtkta ukanak reyir yaticham,kunjamtï jumajj cheqapar uñjirïktajja, ukham uñjañapatak reyin yoqapar yaticham.+
2 Jupajj cheqaparjam markamar arjjatpan,humilde jaqenakamarus cheqaparjam arjjatpan.+
3 Qollunakajj markar sumankañ apanipjjpan,jiskʼa qollunakajj cheqapar uñjatäñ apanipjjpan.
4 Jupajj marka taypinkir humilde jaqenakarojj arjjatpan,pobre jaqen wawanakaparojj salvpan,engañjir jaqerojj tukjpan.+
5 Inti utjkipanjja markamajj ajjsarätamwa,phajjsi utjkipansa ajjsarätamwa,jutïr wawanakas ajjsarapjjätamwa.+
6 Jupajja khuchurat pastor purjjatir jallur uñtasitäniwa,oraqer wal purjjatir jallur uñtasitäniwa.+
7 Reyejj apnaqkani uka tiemponjja cheqap sarnaqer jaqejj panqaraniwa,+phajjsejj jan utj-jjani ukhakamajj sumankañajj waljapuniw utjani.+
8 Reyin apnaqat jaqenakajj mä lamar qotat mä lamar qotkamäniwa,Éufrates jawirat oraq thiyanakkamäniwa.*+
9 Wasaran jakirinakajj jupa nayraqatanwa altʼasipjjani,enemigonakapajj laqʼa polvo jallqʼapjjani.+
10 Tarsis toqenkir reyinakasa islanakan reyinakapasa impuesto pagapjjani.+
Saba* ukhamarak Sebá markankir reyinakajj regalonakwa apanipjjani.+
11 Taqe reyinakaw jupa nayraqatan altʼasipjjani,taqe markanakaw jupar servipjjarakini.
12 Kuna laykutejj jupaw yanaptʼa mayiñatak arnaqasir jaqerojj salvani,humilde jaqerusa jan khiti yanapirin jaqerus jupaw salvarakini.
13 Humilde jaqetsa pobre jaqetsa sinttʼasiniwa,pobrenakan jakañ vidapsa salvaniwa.
14 Jupaw tʼaqesiyirinakatsa nuwasir jaqenakatsa jupanakar salvani,jupanakan wilapajja nayranakapatakejj wali sumäniwa.
15 Jupajj jaya tiempo jakpan, Saba+ markankir qoris jupar churatäpan.
Jaqenakajj jupatak oración lurapjjapunpan,jupajj sapüru bendisitäpan.
16 Oraqenjja grano yapunakajj waljapunïniwa,+qollu patjjanakansa jilarkir waljapunïniwa.
Reyin yapunakapajj Líbano+ qollunakanjamwa panqarani,markanakanjja jaqenakajj oraqenkir chʼojjña alinakjamaw panqarapjjani.+
17 Reyin sutipajj wiñayatakïpan,+sutipajja kunjamtï intejj walja tiempotakïkejja, ukham walja tiempotakïpan.
Jupa toqey markanakajj jupanak pachpatak bendición katoqapjjpan,+taqe markanakajj jupan kusisiñapat yatiyapjjpan.
18 Jehová Diosajj jachʼañchatäpan, Israelan Diosapajj jachʼañchatäpan,+jupa sapakiw musparkañanak luri.+
19 Jachʼa sutipajj wiñayatak jachʼañchatäpan,+kʼajkir qhanapajj oraqpachar phoqantpan.+
Amén, amén.
20 Akjaruw Jesé+ chachan David yoqapan oracionanakapajj tukuyi.
