Salmos 149:1-9
149 ¡Jah Diosar jachʼañchapjjam!*
Jehová Diosar mä machaq canción cantapjjam,+jupat jan jitheqtirinakan congregacionapan Diosar jachʼañchapjjam.+
2 Israelajj Jachʼa Lurir Diosap laykojj kusispan,+Sionankir wawanakapajj Reyip layku kusisipjjpan.
3 Jupanakajj danzanakampi sutipar jachʼañchapjjpan,+panderetampi arpampi jupar alabanzanak cantapjjpan.*+
4 Jehová Diosajj markapampejj wali kusisitawa.+
Llampʼu chuymaninakarojj* salvarakiwa.+
5 Diosat jan jitheqtirinakajj wal kusisipjjpan, Diosat jachʼañchäwi katoqapjjatap layku,ikiñanakap patjjan kusisiñat arnaqasipjjpan.+
6 Lakanakapajj Diosar alabanzanak cantapjjpan,amparanakapajj purapar arini espada kattʼasitäpjjarakpan,
7 ukhamat markanakat vengasiñatakiukhamarak jiskʼa markanakar castigañataki,
8 ukhamat reyinakapar cadenanakamp chinuntañatakiukhamarak wali uñtʼat jaqenakapar hierro cadenanakamp chinuntañataki,
9 ukhamat jupanak contra qellqat juicio phoqayañataki.+
Ukham lurañajja Diosat jan jitheqtiri taqe servirinakaparuw waktʼi.
¡Jah Diosar jachʼañchapjjam!*
Notanaka
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
^ Jan ukajja, “jupatak music tukapjjpan”.
^ “Llampʼu chuymanïña” siski uk glosarion liytʼäta.
^ Jan ukajja, “¡Aleluya!”. “Jah” sutejja, Jehová Diosan jiskʼaptayat sutipawa.
