Indicenakajja Bibliat apstʼat qellqatanak jikjjatañatakiw yanaptʼätam. Uka indicenakajja, sapa temarjama ukat Bibliat apstʼat textonakarjam jaljatawa, ukanak sum amuytʼañatakejj walja qellqatanakan referencianakapaw uñstaraki. Ukat Bibliat yatjjatañataki qellqatajj indicenakar uñtasitawa, ukampis jukʼa yatichäwinakanikiwa. Uka qellqatanakjja INTERNETANKIR BIBLIOTECA Watchtower sat cheqanwa jikjjatasma. Ukhamarus Bibliat yatjjatañatak videonakan utjatapajja, Bibliat sapak yatjjatkasin jukʼamp sum amuytʼañatakiw yanaptʼiristam.