Salmos 26:1-12
Davidan salmopa.
26 Jehová Dios Tata, jumay nayarojj juzguita, kuna laykutejj nayajj taqpach chuymampi servisaw sarnaqta,+nayajj jan payachasisaw Jehová Diosar confiyta.+
2 Jehová Dios Tata, chuymaj uñantita, yantʼarakita.
Amuyunakajsa* chuymajsa qʼomachtʼita.+
3 Kuna laykutejj munasirïtamatsa jan jaytjasirïtamatsa nayajj lupʼipuntwa,*cheqa thakimarjamaw nayajj sarnaqta.+
4 Janiw nayajj engañir jaqenakampejj chikachaskti,*+janiw kʼari chuyman jaqenakampejj chikachaskti.
5 Jan walinak lurir jaqenakamp chikachasiñjja uñistwa,+janipuniw jan wali jaqenakampejj chikachasiñ* munkti.+
6 Jan juchanïtaj uñachtʼayañatakiw nayajj amparanakaj jareqasëjja,Jehová Dios Tata, altaramwa nayajj muytäjja,
7 ukhamat yuspäratajajj istʼasiñapataki,+ukhamarak taqe musparkañ luratanakamat yatiyañataki.
8 Jehová, jumajj jakaskta uka utarojj nayajj munastwa,+kawkjankkitï kʼajkir qhanamajj uka lugararojj nayajj munastwa.+
9 Janikiy juchararanakamp chikajj pichanukustati,+janirakiy wila wartir jaqenakamp chikajj jakäwejj apaqestati.
10 Jupanakajj jan phenqʼani jan walinak lurañanakaruw uchasipjje,mä kunamp chilltayasiñs wal munapjje.*
11 Ukampis nayajj taqpach chuymampi servisaw sarnaqäjja.
Salvakitaya, khuyaptʼayasikitaya.
12 Kayunakajajj suma plano lugaran saytʼatawa,+nayajj jachʼa congregacionanwa* Jehová Diosar jachʼañchäjja.+
Notanaka
^ Hebreo arunjja, “Riñonanakajsa”.
^ Jan ukajja, “piensapuntwa”.
^ Hebreo arunjja, “qontʼaskti”.
^ Hebreo arunjja, “qontʼasiñ”.
^ Jan ukajja, “yaqhanakar mä kun chilltañsa wal munapjje”.
^ Hebreo arunjja, “asambleanakanwa”.
