Salmos 137:1-9
137 Babilonia+ markankir jawiranak jakʼanwa qontʼasiyätanjja,Sionat amtasisaw jacharakiyätanjja.+
2 Babilonia marka taypin utjkäna uka álamo qoqanakanwa*arpanakas warktʼayätanjja.+
3 Preso katuntapkistäna ukanakajj mä canción cantañasatakiw mayipjjestäna,+kusistʼañ munasaw akham sasin jiwasat burlasipjjäna:
“Sionat parlir cancionanakat may canttʼarapipjjeta” sasa.
4 ¿Kunjamarak yaqha markankkasajjJehová Diosar mä canción cantsnasti?
5 Jerusalén marka, nayatï jumat armasï ukhajja,kupi amparajajj jan kunatak servir tukpan.*+
6 Nayatï jumat jan amtaskä,nayatï taqe kunat sipansaJerusalén markat jan sint kusiskä ukhajja,+lajjrajajj lakajar lipʼkatpan.
7 Jehová Dios Tata, amtasim,Jerusalén markajj tukjatäkäna ukhajj kuntï edomitanakajj sapkäna uk amtasim, jupanakajj akham sapjjänwa:
“¡Tukjapjjam! ¡Cimientonakapamppach tukjapjjam!”+ sasa.
8 Babilonia markan phuchapa, niya tukjatäkani uka markan phuchapa,+kunjamtï nanakar lurapkista+ukham lurkarakïtam ukajj kusisitäniwa.
9 Khititï wawanakamar katuntkani,qarqanakar* jaqtʼasin jiwaykarakini ukajja kusisitäniwa.+
