Salmos 20:1-9
-
Diosan ajllit reyipatak salvaciona
-
Yaqhepajj carronakampiru, caballonakampiruw confiyapjje, “ukampis nanakajj Jehová Diosajan sutiparuw confiyapjjta” (7)
-
Directorataki. Davidan salmopa.
20 Llakisiñ urunjja Jehová Diosay oracionamarojj jayspan.
Kunapachatï sutipat artʼaskäta ukhajja, Jacobun Diosapay jumarojj jarkʼaqpan.+
2 Jupay sagrado lugaratpachajj jumar yanaptʼanpan,+juparakiy Sionatpachajj jumar katjjaspan.+
3 Jupajj taqe ofrendanakamat amtasikpanaya,nakhantayat ofrendamjja sumakiy katoqaspan.* (Sélah).
4 Kunanaktï chuymamajj munki ukanak jupay jumar churpan,+taqe amtanakamjja jupay sumar saraypan.
5 Atipjatanakamatjja kusisitaw nanakajj wal arnaqasipjjäjja.+
Diosajan sutipjjaruw nanakajj atipjäwi señalanakaj altor aptapjjäjja.+
Jehová Diosay taqe mayitanakam phoqpan.
6 Jehová Diosajj ajllitapar salvirïtapjja jichhaw nanakajj yatipjjta.+
Jupaw alajjpachankki uka sagrado lugaratpachajj jupan oracionapar jaysani,chʼamani kupi amparapampi salvasaw oracionapar jaysani.+
7 Yaqhepajj carronakaruw confiyapjje, yaqhepasti caballonakaruw confiyapjjaraki.+
Ukampis nanakajj Jehová Diosajan sutiparuw confiyapjjta.+
8 Jupanakajj liwirtapjjewa, jaqosipjjarakiwa,ukampis nanakajj sartasipjjtwa, cheqaki saytʼayatäpjjaraktwa.+
9 ¡Jehová Dios Tata, reyirojj salvakimaya!+
Kuna uruntï yanap mayipkä ukhajj jupaw jaysapjjetani.+
Notanaka
^ Hebreo arunjja, “likʼïkaspas ukhamay uñjpan”.
