An Siyahan nga Libro han mga Cronicas 9:1-44
9 An ngatanan nga Israelita iginlista ha lista han katulinan, ngan iginsurat hira ha Libro han mga Hadi han Israel. Ngan an Juda igindistyero ngadto ha Babilonya tungod han pagin diri matinumanon hito.+
2 An siyahan nga mga umurukoy nga binalik ha ira mga panag-iya ha ira mga syudad amo an iba nga mga Israelita, an mga saserdote, an mga Levita, ngan an mga surugoon ha templo.*+
3 Ngan an iba han katulinan ni Juda,+ ni Benjamin,+ ni Efraim, ngan ni Manases inukoy ha Jerusalem:
4 hi Utai nga anak ni Amihud nga anak ni Omri nga anak ni Imri nga anak ni Bani, ha katulinan ni Perez+ nga anak nga lalaki ni Juda.
5 Ngan ha mga Shilonita, hi Asaias nga suhag ngan an iya mga anak nga lalaki.
6 Ngan ha mga anak nga lalaki ni Zera,+ hi Jeuel ngan an 690 nga kabugtoan nira.
7 Ngan ha katulinan ni Benjamin, hi Sallu nga anak ni Mesulam nga anak ni Hodavias nga anak ni Hasenua,
8 hi Ibneias nga anak ni Jeroham, hi Elah nga anak ni Uzi nga anak ni Micri, ngan hi Mesulam nga anak ni Sefatias nga anak ni Reuel nga anak ni Ibnias.
9 Ngan an ira kabugtoan uyon ha katulinan 956. Ini ngatanan nga lalaki mga ulo han ira mga panimalay.*
10 Ngan ha mga saserdote, aada hira Jedaias, Jehoiarib, Jakin,+
11 hi Azarias nga anak ni Hilkias nga anak ni Mesulam nga anak ni Zadok nga anak ni Meraiot nga anak ni Ahitub, usa nga lider ha balay* han tinuod nga Dios,
12 hi Adaia nga anak ni Jeroham nga anak ni Pasur nga anak ni Malkias, hi Maasai nga anak ni Adiel nga anak ni Jazera nga anak ni Mesulam nga anak ni Mesilemit nga anak ni Imer,
13 ngan an ira kabugtoan nga mga ulo han panimalay, 1,760 nga magkusog ngan may kapas nga lalaki nga andam ha pag-alagad ha balay han tinuod nga Dios.
14 Ngan ha mga Levita, aada hira Semaias+ nga anak ni Hasub nga anak ni Azrikam nga anak ni Hasabias tikang ha katulinan ni Merari;
15 ngan hira Bakbakar, Heres, Galal, Matanias nga anak ni Mica nga anak ni Zikri nga anak ni Asap,
16 hi Obadias nga anak ni Semaias nga anak ni Galal nga anak ni Jedutun, ngan hi Berekias nga anak ni Asa nga anak ni Elkana, nga naukoy ha mga baryo han mga Netofatita.+
17 An mga parabantay han ganghaan+ amo hira Salum, Akub, Talmon, Ahiman, ngan an ira bugto nga hi Salum amo an lider,
18 ngan tubtob hito nga panahon aadto hiya ha este nga ganghaan han hadi.+ Hira an mga parabantay han ganghaan ha mga kampo han mga Levita.
19 Ngan hi Salum nga anak ni Kore nga anak ni Ebiasap nga anak ni Kora, ngan an iya kabugtoan ha iya panimalay,* an mga Korahita, amo an gintuinan han mga buruhaton ha pag-alagad, an mga parabantay han purtahan han tolda, ngan hadto an ira mga tatay amo an gintuinan ha kampo ni Jehova sugad nga mga parabantay han aragian.
20 Hi Pinehas+ nga anak ni Eleazar+ amo an ira lider ha naglabay; hi Jehova kaupod niya.
21 Hi Zacarias+ nga anak ni Meselemias amo an parabantay han ganghaan ha aragian tipasulod ha tolda nga katirokan.
22 An ngatanan nga ginpili basi magbantay ha mga aragian tipasulod 212 nga lalaki. Aada hira ha ira mga baryo uyon ha lista han ira katulinan.+ Hi David ngan hi Samuel nga nakakakita hin bisyon,+ an nagtuin ha ira han buruhaton kay matataporan hira.
23 Hira ngan an ira mga anak nga lalaki an gintuinan ha pagbantay han mga ganghaan ha balay ni Jehova,+ an balay han tolda.
24 An mga parabantay han ganghaan aada ha upat nga ligid—ha este, weste, norte, ngan sur.+
25 Ha panapanahon, an ira kabugtoan nga tikang ha ira mga baryo napakadto basi mag-alagad kaupod nira ha sulod hin pito ka adlaw.
26 May upat nga lider* nga parabantay han ganghaan nga matataporan. Mga Levita hira, ngan hira an gintaporan nga manginano han mga kwarto* ngan han mga tiripigan hin bahandi ha balay han tinuod nga Dios.+
27 Nagbabantay hira ha bug-os nga gab-i ha palibot han balay han tinuod nga Dios, kay hira an gintuinan ha pagbantay ngan gintaporan han yawi ngan nag-aabri han balay kada aga.
28 An iba ha ira gintaporan nga manginano han mga garamiton+ ha pag-alagad; gin-iihap nira ito kon gindadara nira ito ha sulod ngan gin-iihap ito kon gindadara nira ito ha gawas.
29 An iba ha ira ginpili basi manginano han mga garamiton, han ngatanan nga baraan nga garamiton,+ ngan han pino nga harina,+ han bino,+ han lana,+ han busag nga insenso,+ ngan han lana han balsamo.+
30 An iba han mga anak han mga saserdote naghihimo han panhaplas nga may lana han balsamo.
31 Ngan hi Matitias nga usa han mga Levita, nga suhag ni Salum nga Korahita, gintuinan basi manginano han pagluto han mga tinapay ha mga lutoan+ kay matataporan hiya.
32 An iba han ira kabugtoan nga mga Kohatita amo an gintaporan nga manginano han ginturungbaw nga tinapay,*+ basi mag-andam hito kada sabbath.+
33 Ini an mga parakanta, an mga ulo han mga panimalay* han mga Levita nga aada ha mga kwarto,* waray hira tagi hin iba nga buruhaton; kay ha adlaw ngan gab-i padayon hira nga nagtatrabaho.
34 Ini an mga ulo han mga panimalay* han mga Levita uyon ha ira katulinan, an mga lider. Ini hira inukoy ha Jerusalem.
35 An tatay ni Gibeon nga hi Jeiel, inukoy ha Gibeon.+ An ngaran han iya asawa amo hi Maaca.
36 Ngan an iya suhag amo hi Abdon, sunod hira Zur, Kis, Baal, Ner, Nadab,
37 Gedor, Ahio, Zacarias, ngan Miklot.
38 Hi Miklot an tatay ni Simeam. Ngan hira ngatanan inukoy hirani ha ira kabugtoan ha Jerusalem, upod an ira iba pa nga kabugtoan.
39 Hi Ner+ an tatay ni Kis; hi Kis an tatay ni Saul;+ hi Saul an tatay nira Jonathan,+ Malki-sua,+ Abinadab,+ ngan Esbaal.
40 Ngan an anak nga lalaki ni Jonathan amo hi Merib-baal.+ Hi Merib-baal an tatay ni Micas.+
41 Ngan an mga anak nga lalaki ni Micas amo hira Piton, Melec, Tahrea, ngan Ahaz.
42 Hi Ahaz an tatay ni Jara; hi Jara an tatay nira Alemet, Azmavet, ngan Zimri. Hi Zimri an tatay ni Moza.
43 Hi Moza an tatay ni Binea, nga an anak hi Refaias, nga an anak hi Eleasa, nga an anak hi Azel.
44 Hi Azel may unom nga anak nga lalaki nga an mga ngaran amo hira Azrikam, Bokeru, Ismael, Searias, Obadias, ngan Hanan. Ini an mga anak ni Azel.
