An Siyahan nga Libro han mga Cronicas 25:1-31
-
Mga musikero ngan mga parakanta para ha balay han Dios (1-31)
25 Dugang pa, iginlain ni David ngan han mga lider han mga grupo para ha pag-alagad an iba han mga anak nga lalaki nira Asap, Heman, ngan Jedutun+ basi mag-alagad pinaagi ha pagtagna nga may mga arpa, mga instrumento nga may kwerdas,+ ngan mga simbal.+ An lista han mga lalaki nga gintokahan para hini nga pag-alagad,
2 ha mga anak ni Asap: hira Zacur, Jose, Netanias, ngan Asarela, an mga anak ni Asap ilarom han paggiya ni Asap, nga nagtagna ha ilarom han paggiya han hadi.
3 Kan Jedutun,+ ha mga anak ni Jedutun: hira Gedalias, Zeri, Jesaias, Simei, Hasabias, ngan Matitias,+ unom hira, nga ilarom han paggiya han ira tatay nga hi Jedutun, nga nagtagna nga may arpa, nga nagpapasalamat ngan nagdadayaw kan Jehova.+
4 Kan Heman,+ ha mga anak ni Heman: hira Bukias, Matanias, Uziel, Sebuel, Jerimot, Hananias, Hanani, Eliata, Gidalti, Romamti-ezer, Josbekasa, Maloti, Hotir, ngan Mahaziot.
5 Ini ngatanan mga anak ni Heman, usa nga parasumat hin bisyon ha hadi ha mga butang nga may kalabotan ha tinuod nga Dios para ha iya himaya;* salit an tinuod nga Dios naghatag kan Heman hin 14 nga anak nga lalaki ngan 3 nga anak nga babaye.
6 Ini hira ngatanan ilarom han paggiya han ira tatay para ha pagkanta ha balay ni Jehova, nga may mga simbal, mga instrumento nga may kwerdas, ngan mga arpa+ para ha pag-alagad ha balay han tinuod nga Dios.
Hira Asap, Jedutun, ngan Heman ilarom han paggiya han hadi.
7 An ira kadamu ngan an ira kabugtoan nga ginbansay ha pagkanta kan Jehova, 288, ngatanan mga eksperto.
8 Salit nagripa hira+ para han ira mga buruhaton, an mga batan-on ngan mga edaran, an mga eksperto kaupod han mga nag-aaram pa la.
9 An siyahan nga naripa para ha anak ni Asap nga hi Jose,+ an ikaduha kan Gedalias+ (hiya ngan an iya kabugtoan ngan an iya mga anak, 12 hira);
10 an ikatulo kan Zacur,+ ha iya mga anak ngan ha iya kabugtoan, 12 hira;
11 an ikaupat kan Izri, ha iya mga anak ngan ha iya kabugtoan, 12 hira;
12 an ikalima kan Netanias,+ ha iya mga anak ngan ha iya kabugtoan, 12 hira;
13 an ikaunom kan Bukias, ha iya mga anak ngan ha iya kabugtoan, 12 hira;
14 an ikapito kan Jesarela, ha iya mga anak ngan ha iya kabugtoan, 12 hira;
15 an ikawalo kan Jesaias, ha iya mga anak ngan ha iya kabugtoan, 12 hira;
16 an ikasiyam kan Matanias, ha iya mga anak ngan ha iya kabugtoan, 12 hira;
17 an ikanapulo kan Simei, ha iya mga anak ngan ha iya kabugtoan, 12 hira;
18 an ika-11 kan Azarel, ha iya mga anak ngan ha iya kabugtoan, 12 hira;
19 an ika-12 kan Hasabias, ha iya mga anak ngan ha iya kabugtoan, 12 hira;
20 para han ika-13, kan Subael,+ ha iya mga anak ngan ha iya kabugtoan, 12 hira;
21 para han ika-14, kan Matitias, ha iya mga anak ngan ha iya kabugtoan, 12 hira;
22 para han ika-15, kan Jeremot, ha iya mga anak ngan ha iya kabugtoan, 12 hira;
23 para han ika-16, kan Hananias, ha iya mga anak ngan ha iya kabugtoan, 12 hira;
24 para han ika-17, kan Josbekasa, ha iya mga anak ngan ha iya kabugtoan, 12 hira;
25 para han ika-18, kan Hanani, ha iya mga anak ngan ha iya kabugtoan, 12 hira;
26 para han ika-19, kan Maloti, ha iya mga anak ngan ha iya kabugtoan, 12 hira;
27 para han ika-20, kan Eliata, ha iya mga anak ngan ha iya kabugtoan, 12 hira;
28 para han ika-21, kan Hotir, ha iya mga anak ngan ha iya kabugtoan, 12 hira;
29 para han ika-22, kan Gidalti,+ ha iya mga anak ngan ha iya kabugtoan, 12 hira;
30 para han ika-23, kan Mahaziot,+ ha iya mga anak ngan ha iya kabugtoan, 12 hira;
31 para han ika-24, kan Romamti-ezer,+ ha iya mga anak ngan ha iya kabugtoan, 12 hira.
Mga footnote
^ Lit., “para alsahon an iya sungay.”
