An Siyahan nga Libro han mga Cronicas 27:1-34
-
Opisyales nga nagsiserbi ha hadi (1-34)
27 Ini an kadamu han mga Israelita, an mga ulo han mga panimalay,* an mga lider han kada 1,000 ngan han kada 100,+ ngan an ira mga opisyal nga nagserbi ha hadi+ ha ngatanan nga butang nga may kalabotan ha mga grupo nga nagsurosaliwan* kada bulan durante han ngatanan nga bulan han tuig; may-ada 24,000 ha kada grupo.
2 An nagdudumara han siyahan nga grupo ha siyahan nga bulan amo hi Jasobeam+ nga anak nga lalaki ni Zabdiel, ngan 24,000 an aada ha iya grupo.
3 Ha mga anak nga lalaki ni Perez,+ hiya an labaw ha ngatanan nga lider han mga grupo nga igintoka ha pagserbi durante han siyahan nga bulan.
4 An nagdudumara han grupo ha ikaduha ka bulan amo hi Dodai+ nga Ahohita+ kaupod an iya grupo, ngan hi Miklot an lider, ngan 24,000 an aada ha iya grupo.
5 An lider han ikatulo nga grupo nga igintoka ha pagserbi durante han ikatulo ka bulan amo hi Benaias+ nga anak ni Jehoiada+ nga punoan nga saserdote, ngan 24,000 an aada ha iya grupo.
6 Ini hi Benaias makusog nga girriro dida ha trenta ngan nangunguna han trenta, ngan an nagdudumara han iya grupo amo an iya anak nga hi Amizabad.
7 An ikaupat para ha ikaupat ka bulan amo hi Asahel,+ nga bugto ni Joab,+ ngan an iya anak nga hi Zebadias an sinaliwan ha iya, ngan 24,000 an aada ha iya grupo.
8 An ikalima nga lider para ha ikalima ka bulan amo hi Samhut nga Izrahita, ngan 24,000 an aada ha iya grupo.
9 An ikaunom para ha ikaunom ka bulan amo hi Ira+ nga anak ni Ikes nga taga-Tekoa,+ ngan 24,000 an aada ha iya grupo.
10 An ikapito para ha ikapito ka bulan amo hi Helez+ nga Pelonita nga tikang ha mga Efraimita, ngan 24,000 an aada ha iya grupo.
11 An ikawalo para ha ikawalo ka bulan amo hi Sibecai+ nga Husatita nga tikang ha mga Zerahita,+ ngan 24,000 an aada ha iya grupo.
12 An ikasiyam para ha ikasiyam ka bulan amo hi Abi-ezer+ nga taga-Anatot+ nga tikang ha mga Benjaminita, ngan 24,000 an aada ha iya grupo.
13 An ikanapulo para ha ikanapulo ka bulan amo hi Maharai+ nga Netofatita nga tikang ha mga Zerahita,+ ngan 24,000 an aada ha iya grupo.
14 An ika-11 para ha ika-11 ka bulan amo hi Benaias+ nga taga-Piraton nga tikang ha mga anak nga lalaki ni Efraim, ngan 24,000 an aada ha iya grupo.
15 An ika-12 para ha ika-12 ka bulan amo hi Heldai nga Netofatita nga tikang kan Otniel, ngan 24,000 an aada ha iya grupo.
16 Ini an mga lider han mga tribo ha Israel: Ha mga Rubenita, an lider amo hi Eliezer nga anak ni Zikri; ha mga Simeonita, hi Sefatias nga anak ni Maaca;
17 ha tribo ni Levi, hi Hasabias nga anak ni Kemuel; ha katulinan ni Aaron, hi Zadok;
18 ha tribo ni Juda, hi Elihu+ nga usa han kabugtoan ni David; ha tribo ni Isacar, hi Omri nga anak ni Miguel;
19 ha tribo ni Zebulon, hi Ismaias nga anak ni Obadias; ha tribo ni Neptali, hi Jerimot nga anak ni Azriel;
20 ha mga Efraimita, hi Hoshea nga anak ni Azazias; ha katunga nga tribo ni Manases, hi Joel nga anak ni Pedaias;
21 ha katunga nga tribo ni Manases ha Gilead, hi Ido nga anak ni Zacarias; ha tribo ni Benjamin, hi Jaasiel nga anak ni Abner;+
22 ha tribo ni Dan, hi Azarel nga anak ni Jeroham. Ini an mga prinsipe han mga tribo ha Israel.
23 Waray ihapa ni David adton 20 anyos tipaubos, kay nagsaad hi Jehova nga iya hihimoon an Israel nga sugad kadamu han mga bitoon ha langit.+
24 Hi Joab nga anak ni Zeruias nagtikang pag-ihap, pero waray niya matapos; ngan nasina an Dios ha Israel* tungod hini,+ ngan an kadamu waray iglista ha rekord han kasaysayan han mga panahon ni Hadi David.
25 An nanginginano han mga tiripigan hin bahandi han hadi+ amo hi Azmavet nga anak ni Adiel. Hi Jonathan nga anak ni Uzias an nanginginano han mga bodega* ha kaumhan, ha mga syudad, ha mga baryo, ngan ha mga torre.
26 An nagdudumara han mga trabahador ha uma nga nagkultibar han tuna amo hi Ezri nga anak ni Kelub.
27 Hi Simei nga Ramatita amo an nanginginano han mga urubasan; hi Zabdi nga Sifmita an nanginginano han mga tiripigan hin bino.
28 An nanginginano han kakahoyan nga olibo ngan han kakahoyan nga sikomoro+ ha Sefela+ amo hi Baal-hanan nga Gederita; an nanginginano han mga tiripigan hin lana amo hi Joas.
29 An nanginginano han mga baka nga nananabsab ha Saron+ amo hi Sitrai nga Saronita, ngan hi Safat nga anak ni Adlai an nanginginano han mga baka ha mga kapatagan.*
30 An nanginginano han mga kamelyo amo hi Obil nga Ismaelita; an nanginginano han mga asno* amo hi Jedeias nga Meronotita.
31 An nanginginano han mga karnero amo hi Jaziz nga Hagrita. Ini hira ngatanan an nagdudumara han panag-iya ni Hadi David.
32 Hi Jonathan+ nga umangkon ni David, usa nga magsaragdon, usa nga tawo nga may pagsabot ngan usa nga sekretaryo, ngan hi Jehiel nga anak ni Hacmoni an nagmamangno han mga anak han hadi.+
33 Hi Ahitofel+ usa nga magsaragdon han hadi, ngan hi Husai+ nga Arkita an sangkay* han hadi.
34 An sinaliwan kan Ahitofel amo hira Jehoiada nga anak ni Benaias+ ngan hi Abiatar;+ ngan hi Joab+ an lider han kasundalohan han hadi.
