An Siyahan nga Libro han mga Cronicas 7:1-40
7 An mga anak nga lalaki ni Isacar amo hira Tola, Pua, Jasub, ngan Simron+—upat hira.
2 Ngan an mga anak nga lalaki ni Tola amo hira Uzi, Refaias, Jeriel, Jamai, Ibsam, ngan Semuel, an mga ulo han ira mga panimalay.* Nagtikang kan Tola an magkusog nga girriro nga an kadamu 22,600 ha mga adlaw ni David.
3 Ngan an katulinan* ni Uzi amo hi Izrahias ngan an mga anak nga lalaki ni Izrahias: hira Miguel, Obadias, Joel, ngan Isia—hira ngatanan nga lima mga lider.*
4 Ngan kaupod nira uyon ha ira katulinan, uyon ha ira mga panimalay,* may 36,000 nga sundalo nga andam ha pakiggirra, kay damu an ira asawa ngan mga anak.
5 Ngan an ira kabugtoan ha ngatanan nga pamilya ni Isacar magkusog nga girriro, 87,000 sugad han nakalista ha lista han katulinan.+
6 An mga anak nga lalaki ni Benjamin+ amo hira Bela,+ Beker,+ ngan Jediael+—tulo hira.
7 Ngan an mga anak nga lalaki ni Bela amo hira Ezbon, Uzi, Uziel, Jerimot, ngan Iri—lima—mga ulo han ira mga panimalay,* magkusog nga mga girriro, ngan 22,034 an nakada ha ira lista han katulinan.+
8 An mga anak nga lalaki ni Beker amo hira Zemira, Joas, Eliezer, Elioenai, Omri, Jeremot, Abias, Anatot, ngan Alemet—ini hira ngatanan mga anak ni Beker.
9 An ira lista han katulinan uyon ha ira katulinan may kalabotan ha mga ulo han ira mga panimalay* 20,200 nga magkusog nga girriro.
10 An mga anak nga lalaki ni Jediael+ amo hi Bilhan, ngan an mga anak nga lalaki ni Bilhan: hira Jeus, Benjamin, Ehud, Kenaana, Zetan, Tarsis, ngan Ahisahar.
11 Ini ngatanan an anak ni Jediael uyon ha mga ulo han ira mga kaapoy-apoyan, 17,200 nga magkusog nga girriro nga andam magsundalo para ha pakiggirra.
12 An mga Supim ngan mga Hupim mga anak nga lalaki ni Ir;+ an mga Husim mga anak nga lalaki ni Aher.
13 An mga anak nga lalaki ni Neptali+ amo hira Jaziel, Guni, Jezer, ngan Salum—katulinan* ni Bilha.+
14 Ini an mga anak nga lalaki ni Manases:+ hi Asriel nga igin-anak han iya babaye nga Siryano. (Igin-anak niya hi Makir+ nga tatay ni Gilead.
15 Hi Makir nagkuha hin asawa para kan Hupim ngan para kan Supim, ngan an ngaran han iya bugto nga babaye amo hi Maaca.) An ngaran han ikaduha amo hi Zelopehad,+ pero hi Zelopehad may mga anak nga babaye.+
16 Hi Maaca nga asawa ni Makir nag-anak hin lalaki ngan ginngaranan hiya hin Peres; ngan an ngaran han iya bugto nga lalaki amo hi Seres; ngan an iya mga anak nga lalaki amo hira Ulam ngan Rekem.
17 Ngan an anak nga lalaki* ni Ulam amo hi Bedan. Ini hira an mga anak ni Gilead nga anak ni Makir nga anak ni Manases.
18 Ngan an iya bugto nga babaye amo hi Hamoleket. Igin-anak niya hira Ishod, Abi-ezer, ngan Mala.
19 Ngan an mga anak nga lalaki ni Semida amo hira Ahian, Sikem, Likhi, ngan Aniam.
20 An mga anak nga lalaki ni Efraim+ amo hi Sutela,+ nga an anak hi Bered, nga an anak hi Tahat, nga an anak hi Eleada, nga an anak hi Tahat,
21 nga an anak hi Zabad, nga an anak hi Sutela, ngan hi Ezer, ngan hi Elead. Ginpatay hira han mga tawo ha Gat+ nga natawo hito nga tuna kay linugsad hira basi kuhaon an ira mga hayop.
22 Hi Efraim nga ira tatay nagtaguminatay hin damu ka adlaw, ngan nagkaabot an iya kabugtoan basi liawon hiya.
23 Katapos hito, nakighilawas hiya ha iya asawa, ngan nagburod an iya asawa ngan nag-anak hin lalaki. Pero iya ginngaranan hiya hin Berias* kay nag-anak hiya ha panahon nga nagkaada hin trahedya ha iya panimalay.
24 Ngan an iya anak nga babaye amo hi Seera, nga nagtukod han Ubos+ ngan Igbaw nga Bet-horon+ ngan Uzen-seera.
25 Ngan anak niya hi Refa, ngan hi Resep, nga an anak hi Tela, nga an anak hi Tahan,
26 nga an anak hi Ladan, nga an anak hi Amihud, nga an anak hi Elisama,
27 nga an anak hi Nun, nga an anak hi Josue.*+
28 An mga lugar nga gin-ukyan han katulinan ni Efraim amo an Bethel+ ngan an mga bungto nga sakop* hito, ngan ha este an Naaran, ngan ha weste an Gezer ngan an mga bungto nga sakop hito, ngan an Sikem ngan an mga bungto nga sakop hito, tubtob ha Ayya* ngan an mga bungto nga sakop hito;
29 ngan sunod ha katulinan ni Manases, an Bet-sean+ ngan an mga bungto nga sakop hito, an Taanac+ ngan an mga bungto nga sakop hito, an Megido+ ngan an mga bungto nga sakop hito, ngan an Dor+ ngan an mga bungto nga sakop hito. Dinhi hini nag-ukoy an katulinan ni Jose nga anak ni Israel.
30 An mga anak nga lalaki ni Aser amo hira Imnah, Isva, Isvi, ngan Berias,+ ngan an ira bugto nga babaye amo hi Sera.+
31 An mga anak nga lalaki ni Berias amo hira Heber ngan Malkiel, nga amo an tatay ni Birzait.
32 Hi Heber an tatay nira Jaflet, Somer, ngan Hotam, ngan ni Shua nga ira bugto nga babaye.
33 An mga anak nga lalaki ni Jaflet amo hira Pasac, Bimhal, ngan Asvat. Ini hira an mga anak ni Jaflet.
34 An mga anak nga lalaki ni Semer* amo hira Ahi, Roga, Jehuba, ngan Aram.
35 An mga anak nga lalaki han iya bugto nga hi Helem* amo hira Zopa, Imna, Seles, ngan Amal.
36 An mga anak nga lalaki ni Zopa, amo hira Sua, Harnefer, Sual, Beri, Imra,
37 Bezer, Hod, Samma, Silsa, Itran, ngan Beera.
38 An mga anak nga lalaki ni Jeter amo hira Jefune, Pispa, ngan Ara.
39 An mga anak nga lalaki ni Ula amo hira Arah, Haniel, ngan Rizia.
40 Ini ngatanan an mga anak ni Aser, mga ulo han ira mga panimalay,* mga pinili, magkusog nga mga girriro, mga ulo han mga lider; ngan an ira kadamu nga iginlista ha lista han katulinan+ 26,000 nga sundalo+ nga andam ha pakiggirra.
Mga footnote
^ Lit., “mga anak nga lalaki.”
^ Lit., “mga ulo.”
^ Lit., “mga anak nga lalaki.”
^ Lit., “mga anak nga lalaki.”
^ Nangangahulogan nga “May Trahedya.”
^ O “Jehosua,” nangangahulogan nga “Hi Jehova an Katalwasan.”
^ O “nakapalibot.”
^ O posible nga an “Gaza,” pero diri an Gaza ha Filistia.
^ Gintatawag liwat nga Somer ha ber. 32.
^ Posible nga amo gihapon an “Hotam” ha ber. 32.
