An Siyahan nga Libro han mga Cronicas 23:1-32
23 Han hi David lagas na ngan hirani na matapos an iya kinabuhi,* iya ginhimo nga hadi ha Israel an iya anak nga hi Solomon.+
2 Katapos, iya gintirok an ngatanan nga prinsipe han Israel, an mga saserdote,+ ngan an mga Levita.+
3 Gin-ihap an mga Levita nga 30 anyos tipaigbaw;+ an ira kadamu, han usa-usa nga gin-ihap an mga lalaki, 38,000.
4 An 24,000 ha ira amo an nagdudumara han mga buruhaton ha balay ni Jehova, ngan may-ada 6,000 nga opisyal ngan hukom,+
5 ngan may-ada 4,000 nga parabantay han ganghaan,+ ngan 4,000 nga nagdadayaw+ kan Jehova pinaagi hin mga instrumento nga mahitungod hito hi David nagsiring, “Ginhimo ko ito para ha pagdayaw.”
6 Katapos, gin-organisar* hira ni David ngadto ha mga grupo+ sumala ha mga anak nga lalaki ni Levi: hira Gerson, Kohat, ngan Merari.+
7 Tikang ha mga Gersonita hira Ladan ngan Simei.
8 An mga anak nga lalaki ni Ladan amo hi Jehiel an lider, hi Zetam, ngan hi Joel,+ tulo hira.
9 An mga anak nga lalaki ni Simei amo hira Selomot, Haziel, ngan Haran, tulo hira. Ini hira an mga ulo han mga panimalay* ni Ladan.
10 Ngan an mga anak nga lalaki ni Simei amo hira Jahat, Zina, Jeus, ngan Berias. Ini nga upat an mga anak ni Simei.
11 Hi Jahat amo an lider ngan hi Zizah, an ikaduha. Kondi tungod kay hira Jeus ngan Berias diri damu an anak nga lalaki, gintagad hira sugad nga usa ka panimalay* nga may usa nga responsabilidad.
12 An mga anak nga lalaki ni Kohat amo hira Amram, Izar,+ Hebron, ngan Uziel,+ upat hira.
13 An mga anak nga lalaki ni Amram amo hira Aaron+ ngan Moises.+ Pero hi Aaron permanente nga iginlain+ basi baraanon an Pinakabaraan, hiya ngan an iya mga anak nga lalaki, basi maghalad han mga halad ha atubangan ni Jehova, basi mag-alagad ha iya, ngan basi magpahayag pirme han mga bendisyon ha iya ngaran.+
14 Mahitungod kan Moises nga surugoon han tinuod nga Dios, an iya mga anak nga lalaki gintagad sugad nga bahin han tribo han mga Levita.
15 An mga anak nga lalaki ni Moises amo hira Gersom+ ngan Eliezer.+
16 Ha mga anak ni Gersom, hi Sebuel+ an lider.
17 Ha katulinan* ni Eliezer, hi Rehabias+ an lider; hi Eliezer waray iba nga anak nga lalaki, pero damu hinduro an mga anak nga lalaki ni Rehabias.
18 Ha mga anak nga lalaki ni Izar,+ hi Selomit+ an lider.
19 An mga anak nga lalaki ni Hebron, hi Jeria an lider, hi Amarias an ikaduha, hi Jahaziel an ikatulo, ngan hi Jekameam+ an ikaupat.
20 An mga anak nga lalaki ni Uziel,+ hi Micas an lider ngan hi Isia an ikaduha.
21 An mga anak nga lalaki ni Merari amo hira Mali ngan Musi.+ An mga anak nga lalaki ni Mali amo hira Eleazar ngan Kis.
22 Namatay hi Eleazar nga waray mga anak nga lalaki, mga anak nga babaye la. Salit ginkuha hira sugad nga mga asawa han mga anak nga lalaki ni Kis, nga ira mga paryente.*
23 An mga anak nga lalaki ni Musi amo hira Mali, Eder, ngan Jeremot, tulo hira.
24 Ini an mga anak nga lalaki ni Levi sumala ha ira mga panimalay,* an mga ulo han mga panimalay,* uyon ha mga iginrehistro nga gin-ihap ngan iginlista uyon ha ira mga ngaran, ngan nagbuhat han mga buruhaton para ha pag-alagad ha balay ni Jehova, tikang ha 20 anyos tipaigbaw.
25 Kay hi David nagsiring: “Hi Jehova nga Dios han Israel naghatag hin kapahuwayan ha iya katawohan,+ ngan maukoy hiya ha Jerusalem ha kadayonan.+
26 Diri na liwat kinahanglan dad-on han mga Levita an tabernakulo o an bisan ano han mga garamiton hito para ha pag-alagad.”+
27 Kay sumala ha urhi nga mga instruksyon ni David, gin-ihap an mga Levita nga 20 anyos tipaigbaw.
28 An ira buruhaton amo an pagbulig ha mga anak nga lalaki ni Aaron+ para ha pag-alagad ha balay ni Jehova, basi manginano han mga bungsaran,+ han mga kwarto nga pangaonan, ha pagputli han ngatanan nga baraan nga butang, ngan ha bisan ano nga buruhaton nga ginkikinahanglan ha pag-alagad ha balay han tinuod nga Dios.
29 Binulig hira ha pag-andam han ginturungbaw nga tinapay,*+ pino nga harina para ha halad nga tikang ha lugas, manipis nga mga tinapay nga waray libadura,+ mga karan-on nga ginluluto ha hurmaan, minasa nga harina,+ ngan ha pagsukol han kadamu ngan kadaku han ngatanan.
30 Kinahanglan hira tumindog kada aga+ basi magpasalamat ngan magdayaw kan Jehova ngan sugad man ha pagsirom.+
31 Nabulig hira ha kada panahon nga naghahalad han halad nga sinunog ngadto kan Jehova durante han mga Sabbath,+ han mga dulom,+ ngan durante han mga panahon han piyesta,+ sumala ha kadamu nga ginkikinahanglan uyon ha mga surundon mahitungod hini ngatanan, ngan ginbubuhat ito hin regular ha atubangan ni Jehova.
32 Ira liwat ginbuhat an ira mga responsabilidad para ha tolda nga katirokan, para ha baraan nga lugar, ngan para ha ira kabugtoan nga mga anak nga lalaki ni Aaron para ha pag-alagad ha balay ni Jehova.
