An Siyahan nga Libro han mga Cronicas 28:1-21
28 Katapos, gintirok ni David an ngatanan nga prinsipe ha Israel didto ha Jerusalem: an mga prinsipe han mga tribo, an mga lider han mga grupo+ nga nagsiserbi ha hadi, an mga lider han kada 1,000 ngan an mga lider han kada 100,+ an nagdudumara han ngatanan nga panag-iya ngan hayop han hadi+ ngan han iya mga anak,+ kaupod an mga opisyal ha palasyo ngan an tagsa nga makusog ngan may kapas nga lalaki.+
2 Kahuman, tinindog hi Hadi David ngan nagsiring:
“Pamati ha akon, akon kabugtoan ngan akon katawohan. Hingyap han akon kasingkasing nga magtukod hin permanente nga balay para han arka han kasabotan ni Jehova ngan sugad nga tungtongan han mga tiil han aton Dios,+ ngan nangandam ako basi magtukod.+
3 Pero an tinuod nga Dios nagsiring ha akon, ‘Diri ikaw an magtutukod hin balay para ha akon ngaran,+ kay girriro ka, ngan may-ada ka ginpamatay.’*+
4 Pero, hi Jehova nga Dios han Israel nagpili ha akon tikang ha ngatanan nga panimalay han akon tatay basi magin hadi ha Israel ha kadayonan,+ kay iya ginpili hi Juda sugad nga lider+ ngan ha panimalay ni Juda, ha panimalay han akon tatay,+ ngan ha mga anak nga lalaki han akon tatay, ako an iya gin-uyonan, basi himoon ako nga hadi ha bug-os nga Israel.+
5 Ngan ha ngatanan nga akon anak nga lalaki—kay gintagan ako ni Jehova hin damu nga anak nga lalaki+—iya ginpili an akon anak nga hi Solomon+ basi lumingkod ha trono ni Jehova ngan magmando ha Israel.+
6 “Nagsiring hiya ha akon, ‘An imo anak nga hi Solomon amo an magtutukod han akon balay ngan han akon mga bungsaran, kay ginpili ko hiya sugad nga akon anak ngan magigin amay niya ako.+
7 Ig-iestablisar ko hin marig-on an iya pagkahadi ha kadayonan+ kon determinado hiya nga sumunod han akon mga sugo ngan han akon hudisyal nga mga desisyon,+ sugad han iya ginbubuhat yana.’
8 Salit nasiring ako ha atubangan han bug-os nga Israel, an kongregasyon ni Jehova, ngan ha atubangan han aton Dios: Sunda niyo hin maopay ngan pamilnga an ngatanan nga sugo ni Jehova nga iyo Dios, basi pagtag-iyahon niyo an maopay nga tuna+ ngan ipaeredar ito sugad nga permanente nga panurundon han iyo mga anak sunod ha iyo.
9 “Ngan ikaw Solomon, anak ko, kilalaha an Dios han imo tatay ngan pag-alagad ha iya nga may bug-os* nga kasingkasing+ ngan may malipayon* nga kalag,* kay gin-uusisa ni Jehova an ngatanan nga kasingkasing,+ ngan nasasabtan niya an tagsa nga inklinasyon han mga panhunahuna.+ Kon pamilngon mo hiya, itutugot niya nga maagian mo hiya,+ pero kon bumaya ka ha iya, isasalikway ka niya ha kadayonan.+
10 Hunahunaa hin maopay, kay ginpili ka ni Jehova nga magtukod hin balay sugad nga santuaryo. Magin maisugon ka ngan tikangi an buruhaton.”
11 Katapos, iginhatag ni David ha iya anak nga hi Solomon an plano han istraktura+ han beranda+ ngan han mga kwarto, pati an mga bodega hito ngan an mga kwarto ha atop hito ngan an surosulod nga mga kwarto hito ngan an balay han taklob han pagpahiuli.*+
12 Iya iginhatag ha iya an plano han istraktura han ngatanan nga butang nga iginsumat ha iya pinaagi han espiritu para ha mga bungsaran+ han balay ni Jehova, para ha ngatanan nga kwarto nga pangaonan ha palibot hito, para ha mga tiripigan hin bahandi ha balay han tinuod nga Dios, ngan para ha mga tiripigan hin bahandi han mga butang nga ginbaraan;*+
13 para liwat ha mga grupo han mga saserdote+ ngan han mga Levita, para ha ngatanan nga buruhaton ha pag-alagad ha balay ni Jehova, ngan para ha ngatanan nga garamiton ha pag-alagad ha balay ni Jehova;
14 para liwat ha kabug-aton han bulawan, han bulawan para ha ngatanan nga garamiton ha iba-iba nga pag-alagad, han kabug-aton han ngatanan nga garamiton nga silber, ngan para ha ngatanan nga garamiton ha iba-iba nga pag-alagad;
15 pati liwat an kabug-aton han bulawan nga mga burutangan han lampara+ ngan han bulawan nga mga lampara hito, an kabug-aton han iba-iba nga burutangan han lampara ngan han mga lampara hito, ngan an kabug-aton han silber nga mga burutangan han lampara, para ha tagsa nga burutangan han lampara ngan han mga lampara hito uyon ha gamit hito;
16 pati liwat an kabug-aton han bulawan para ha mga lamesa han ginturungbaw nga tinapay,*+ para ha tagsa nga lamesa, sugad man an silber para ha mga lamesa nga silber,
17 para ha mga tinidor, ha mga yahong,* ha mga pitsel nga puro nga bulawan, ngan ha kabug-aton han gudti nga mga yahong nga bulawan,+ para ha tagsa nga guti nga yahong, ngan ha kabug-aton han gudti nga mga yahong nga silber, para ha tagsa nga guti nga yahong.
18 Ginhatag liwat niya an kabug-aton para ha ginpurog nga bulawan para ha halaran+ han insenso ngan para ha nagrirepresentar han karuwahe,+ nga amo an mga kerubin+ nga bulawan nga nakabuklad an mga pako ngan nasasalipdan hito an arka han kasabotan ni Jehova.
19 Hi David nagsiring: “An kamot ni Jehova aadi ha akon, ngan gintagan ako niya hin hilarom nga pagsabot basi igsurat+ an ngatanan nga detalye han plano han istraktura.”+
20 Katapos, hi David nagsiring ha iya anak nga hi Solomon: “Magin maisugon ka ngan marig-on ngan tikangi an buruhaton. Ayaw kahadlok o kalisang, kay hi Jehova nga Dios, an akon Dios, kaupod mo.+ Diri ka niya papabay-an o diri ka niya babayaan,+ lugod maupod hiya ha imo tubtob nga matapos an ngatanan nga buruhaton para ha pag-alagad ha balay ni Jehova.
21 Ngan aadi an mga grupo han mga saserdote+ ngan han mga Levita+ para ha ngatanan nga pag-alagad ha balay han tinuod nga Dios. May-ada ka masinugtanon ngan eksperto nga mga trabahador basi himoon an tagsa nga klase han pag-alagad,+ sugad man an mga prinsipe+ ngan an ngatanan nga katawohan nga masunod ha ngatanan nga imo instruksyon.”
