An Siyahan nga Libro han mga Cronicas 4:1-43
4 An mga anak nga lalaki ni Juda amo hira Perez,+ Hezron,+ Carmi, Hur,+ ngan Sobal.+
2 Hi Reaias nga anak nga lalaki ni Sobal amo an tatay ni Jahat; hi Jahat an tatay nira Ahumai ngan Lahad. Ini an mga pamilya han mga Zoratita.+
3 Ini an mga anak nga lalaki han tatay ni Etam:+ hira Jezreel, Isma, ngan Idbas (ngan an ngaran han ira bugto nga babaye amo hi Hazelelponi),
4 ngan hi Penuel an tatay ni Gedor, ngan hi Ezer an tatay ni Husa. Ini an mga anak nga lalaki ni Hur,+ an suhag ni Efrata ngan an tatay ni Bethlehem.+
5 Hi Ashur+ nga tatay ni Tekoa+ may-ada duha nga asawa, hira Hela ngan Naara.
6 Nagkaada hiya mga anak kan Naara, nga amo hira Ahuzam, Hefer, Temeni, ngan Haahastari. Ini an mga anak nga lalaki ni Naara.
7 Ngan an mga anak nga lalaki ni Hela amo hira Zeret, Izar, ngan Etnan.
8 Hi Koz an tatay nira Anub, Zobeba, ngan han mga pamilya ni Aharhel nga anak nga lalaki ni Harum.
9 Hi Jabez mas dungganon kay han iya kabugtoan; ngan ginngaranan hiya han iya nanay hin Jabez,* nga nasiring: “Nagin maul-ol an akon pag-anak ha iya.”
10 Naghangyo hi Jabez ha Dios han Israel, nga nasiring: “Hinaot imo ako bendisyonan ngan pahaluagon mo an akon teritoryo, ngan pirme ka umupod ha akon ngan talwasa ako tikang ha kakurian, basi diri ito makadaot ha akon!” Salit ginpahinabo han Dios an iya ginhangyo.
11 Hi Kelub nga bugto nga lalaki ni Suha amo an tatay ni Mehir, nga tatay ni Eston.
12 Hi Eston an tatay nira Bet-rafa, Pasea, ngan Tehina nga tatay ni Ir-nahas. Ini an mga lalaki ha Reca.
13 Ngan an mga anak nga lalaki ni Kenaz amo hira Otniel+ ngan Seraias, ngan an anak nga lalaki* ni Otniel amo hi Hatat.
14 Hi Meonotai an tatay ni Ofra. Hi Seraias an tatay ni Joab nga tatay ni Ge-harasim,* kay mga eksperto hira nga parahimo.
15 An mga anak nga lalaki ni Caleb+ nga anak nga lalaki ni Jefune amo hira Iru, Elah, ngan Naam; ngan an anak nga lalaki* ni Elah amo hi Kenaz.
16 An mga anak nga lalaki ni Jehalelel amo hira Zip, Zipa, Tiria, ngan Asarel.
17 An mga anak nga lalaki ni Ezrah amo hira Jeter, Mered, Efer, ngan Jalon; nagburod hiya* ngan nagkaada mga anak nga hira Miriam, Sammai, ngan Isba nga tatay ni Estemoa.
18 (Ngan igin-anak han iya Judio nga asawa hi Jered nga tatay ni Gedor, hi Heber an tatay ni Soco, ngan hi Jekutiel an tatay ni Zanoa.) Ini an mga anak nga lalaki ni Bitia, nga anak nga babaye han Paraon, nga nagin asawa ni Mered.
19 An mga anak nga lalaki han asawa ni Hodias, nga bugto nga babaye ni Naham, amo an mga tatay nira Keila nga Garmita ngan Estemoa nga Maacatita.
20 Ngan an mga anak nga lalaki ni Shimon amo hira Amnon, Rina, Ben-hanan, ngan Tilon. Ngan an mga anak nga lalaki ni Isi amo hira Zohet ngan Ben-zohet.
21 An mga anak nga lalaki ni Shela+ nga anak nga lalaki ni Juda, amo hi Er nga tatay ni Leca, hi Laada nga tatay ni Maresah, ngan an mga pamilya han mga parahimo hin maopay nga klase hin tela ha panimalay ni Asbea,
22 ngan hi Jokim, an mga lalaki ha Cozeba, hi Joas, ngan hi Sarap, nga nagin mga bana han Moabita nga mga babaye, ngan hi Jasubi-lehem. Kadaan ini nga mga rekord.*
23 Parahimo hira hin mga daba, ngan naukoy hira ha Netaim ngan Gedera. Inukoy hira didto ngan nagtrabaho para ha hadi.
24 An mga anak nga lalaki ni Simeon+ amo hira Nemuel, Jamin, Jarib, Zera, ngan Shaul.+
25 Anak niya hi Salum, nga an anak hi Mibsam, nga an anak hi Misma.
26 Ngan an mga anak nga lalaki ni Misma amo hira Hamuel, nga an anak hi Zacur, nga an anak hi Simei.
27 Ngan hi Simei may-ada 16 nga anak nga lalaki ngan 6 nga anak nga babaye; pero an iya kabugtoan waray magkaada hin damu nga anak, ngan waray ha ira mga pamilya an may mga anak nga sugad kadamu han mga anak han mga tawo ha Juda.+
28 Inukoy hira ha Beer-sheba,+ Molada,+ Hazar-sual,+
29 Bilha, Ezem,+ Tolad,
30 Betuel,+ Horma,+ Ziklag,+
31 Bet-marcabot, Hazar-susim,+ Bet-biri, ngan Saaraim. Ini an ira mga syudad tubtob han paghadi ni David.
32 An mga lugar nga ira gin-ukyan amo an Etam, Ain, Rimon, Token, ngan Asan,+ lima nga syudad,
33 lakip an ira mga baryo nga nakapalibot hini nga mga syudad tubtob ha Baal. Ini an mga lista han ira katulinan ngan an mga lugar nga ira gin-ukyan.
34 Ngan hi Mesobab, Jamlec, hi Josa nga anak nga lalaki ni Amazias,
35 hi Joel, hi Jehu nga anak nga lalaki ni Josibias nga anak nga lalaki ni Seraias nga anak nga lalaki ni Asiel,
36 ngan hi Elioenai, Jaakoba, Jesohaias, Asaias, Adiel, Jesimiel, Benaias,
37 ngan hi Ziza nga anak nga lalaki ni Sifi nga anak nga lalaki ni Alon nga anak nga lalaki ni Jedaias nga anak nga lalaki ni Simri nga anak nga lalaki ni Semaias;
38 ini nga ginpanngaranan amo an mga lider han ira mga pamilya, ngan an panimalay han ira mga kaapoy-apoyan nagdamu gud.
39 Ngan kinadto hira ha aragian tipasulod ha Gedor, ha este nga dapit han walog, basi mamiling hin mga panabsaban para ha ira mga panon.
40 Ha urhi, nakabiling hira hin magtambok ngan mag-opay nga mga panabsaban, ngan an tuna haluag, mamingaw, ngan murayaw. Hadto, an mga Hamita an naukoy dida hito.+
41 Ini hira nga iginpanlista an mga ngaran nagkaabot durante han mga adlaw ni Hadi Hezekias+ han Juda ngan ginpan-guba nira an mga tolda han mga Hamita ngan han mga Meunim nga nakadto. Ginbungkag nira hira sugad han makikita hini nga adlaw; ngan inukoy hira kasaliwan nira kay may mga panabsaban didto para ha ira mga panon.
42 An iba han mga Simeonita, nga 500 nga lalaki, kinadto ha Bukid Seir+ kaupod hira Pelatias, Nearias, Refaias, ngan Uziel nga mga anak nga lalaki ni Isi nga nanguna ha ira.
43 Ngan ginpamatay nira an nahibilin han mga Amalekita+ nga pinalagiw, ngan inukoy hira didto tubtob hini nga adlaw.
Mga footnote
^ An ngaran nga Jabez bangin may koneksyon ha Hebreo nga pulong nga nangangahulogan hin “kaul-ol.”
^ Lit., “mga anak nga lalaki.”
^ Nangangahulogan nga “Walog han mga Eksperto nga Parahimo.”
^ Lit., “mga anak nga lalaki.”
^ Posible nga nagtutudlok kan Bitia ha ber. 18.
^ O “An mga puplunganon tikang ha kadaan nga tradisyon.”
