Mga Buhat han mga Apostol 11:1-30

  • Pedro nagsumat ha mga apostol (1-18)

  • Hira Bernabe ngan Saul ha Antiokia ha Sirya (19-26)

    • Mga disipulo siyahan nga gintawag nga Kristiano (26)

  • Hi Agabo nagtagna hin gutom (27-30)

11  Yana hinbatian han mga apostol ngan han kabugtoan nga nakadto ha Judea nga an mga tawo han mga nasud kinarawat liwat han pulong han Dios.  Salit han sinagka hi Pedro ha Jerusalem, an mga nasuporta ha pagturi+ nasina* ha iya,  nga nasiring: “Sinulod ka ha balay han mga tawo nga diri turi ngan kinaon upod nira.”  Salit detalyado nga igin-esplikar ha ira ni Pedro ini nga butang, nga nasiring:  “Nakadto ako ngan nag-aampo ha syudad han Jope, ngan nakakita ako hin bisyon nga may* nagtitipaubos nga pariho hin hilapad nga tela nga lino nga igintutunton tikang ha langit pinaagi han upat nga kanto hito, ngan inabot ito ha akon mismo.+  Han ginkita ko ito hin maopay, nakita ko an mga hayop ha tuna nga upat an tiil, an magpintas nga mga hayop, an mga reptilya,* ngan an mga tamsi ha langit.  Nakabati liwat ako hin tingog nga nasiring ha akon: ‘Buhát, Pedro, pag-ihaw* ngan kaon!’  Kondi binaton ako: ‘Diri ko gud ito mahihimo, Ginoo, kay waray pa gud mahugaw o diri limpyo nga butang nga sinulod ha akon baba.’  Ha ikaduha nga higayon, an tingog tikang ha langit binaton: ‘Ayaw na pagtawaga nga mahugaw an mga butang nga ginlimpyohan na han Dios.’ 10  Nahitabo ini ha ikatulo nga higayon, ngan ginbutong an ngatanan tipabalik ha langit. 11  Sugad man, hito mismo nga takna, may tulo nga tawo nga natindog didto ha balay nga amon inuukyan, nga ginsugo ha akon tikang ha Cesarea.+ 12  Katapos ginsidngan ako han espiritu nga umupod ha ira, nga diri gud nagruruhaduha. Pero ini nga unom nga kabugtoan inupod liwat ha akon, ngan sinulod kami ha balay hito nga tawo. 13  “Iginsumat niya ha amon nga nakita niya an anghel nga tinindog ha iya balay ngan nagsiring: ‘Pagsugo hin mga tawo ngadto ha Jope ngan ipatawag hi Simon nga gintatawag nga Pedro,+ 14  ngan isusumat niya ha imo an mga butang nga makakatalwas ha imo ngan ha imo bug-os nga panimalay.’ 15  Pero han nagtikang ako pagyakan, an baraan nga espiritu kinada ha ira sugad la han ginbuhat liwat hito ha aton ha tinikangan.+ 16  Salit nahinumdoman ko an ginsiring han Ginoo, nga agsob niya igsiring: ‘Hi Juan nagbawtismo pinaagi han tubig,+ pero kamo babawtismohan pinaagi han baraan nga espiritu.’+ 17  Salit kon gintagan hira han Dios han amo gihapon nga waray bayad nga regalo nga iginhatag niya ha aton nga natoo ha Ginoo nga hi Jesu-Kristo, hin-o ba ako para mapugngan an Dios?”*+ 18  Pakabati nira hini nga mga butang, waray na hira kumontra,* ngan ginhimaya nira an Dios, nga nasiring: “Kon sugad, an Dios naghatag liwat ha mga tawo han mga nasud hin higayon nga magbasol basi makakarawat hira hin kinabuhi.”+ 19  Yana an mga nagpatlaag+ tungod han kasakitan nga nahitabo katapos han ginbuhat kan Esteban nakaabot tubtob ha Fenicia, Ciprus, ngan Antiokia, pero ha mga Judio la nira iginsusumat an mensahe.+ 20  Kondi an pipira ha ira nga tikang ha Ciprus ngan Cirene kinadto ha Antiokia ngan nagtikang pakiistorya ha mga tawo nga nagyayakan hin Griego, nga iginpapasamwak an maopay nga sumat mahitungod han Ginoo nga hi Jesus. 21  Dugang pa, an kamot ni Jehova* nakada ha ira, ngan damu an nagin mga tumuroo ngan nakombirte ngadto ha Ginoo.+ 22  An sumat mahitungod ha ira hinbatian han kongregasyon ha Jerusalem, ngan ginsugo nira hi Bernabe+ tubtob ha Antiokia. 23  Han inabot hiya ngan nakita niya an diri matupngan nga pagkabuotan han Dios, nalipay hiya ngan nagtikang pagdasig ha ira ngatanan nga magpabilin ha Ginoo nga may kinasingkasing nga determinasyon;+ 24  kay maopay hiya nga tawo ngan puno han baraan nga espiritu ngan pagtoo. Ngan damu nga tawo nga tinoo ha Ginoo an nahidugang.+ 25  Salit kinadto hiya ha Tarso basi pamilngon hin maopay hi Saul.+ 26  Han hin-agian niya hi Saul, gindara niya hiya ha Antiokia. Salit ha bug-os nga tuig nakigkatirok hira ha kongregasyon ngan damu an ira gintutdoan, ngan ha Antiokia siyahan nga gintawag nga mga Kristiano an mga disipulo pinaagi han giya han Dios.+ 27  Hito nga mga adlaw may mga propeta+ nga linugsad ngadto ha Antiokia tikang ha Jerusalem. 28  An usa ha ira nga Agabo+ an ngaran tinindog ngan nagtagna pinaagi han espiritu nga may duro nga gutom nga hirani na umabot ha bug-os nga inuukyan nga tuna,+ ngan nahitabo gud ito ha panahon ni Claudio. 29  Salit an mga disipulo nagdesisyon, an kada tagsa uyon ha iya maaakos,+ nga magpadara hin bulig*+ ha kabugtoan nga naukoy ha Judea; 30  ngan ginbuhat nira ini, nga iginpapadara ito ha mga tigurang pinaagi kanda Bernabe ngan Saul.+

Mga footnote

O “nakigdiskusyon.”
Lit., “may usa nga klase hin surudlan nga.”
O “mga hayop nga nagkakamang.”
Ha iba nga lugar, “pagpatay.”
O “maulangan an Dios?”
Lit., “naghilom hira.”
Kitaa an Ap. A5.
O “bulig sugad nga pagministeryo.”