Salmo 99:1-9
99 Ni met laeng Jehova nagbalinen nga ari.+ Mariribuk koma dagiti ili.+Isu agtugtugaw iti rabaw dagiti kerubin.+ Agkuyegyeg koma ti daga.+
2 Ni Jehova naindaklan idiay Sion,+Ket isu nangato iti ngatuen dagiti amin nga ili.+
3 Idayawda koma ti naganmo.+Naindaklan ken nakaam-amak, nasantuan dayta.+
4 Ket babaen iti pigsa ti maysa nga ari inayatna ti panangukom.+Sika impasdekmo a sititibker ti kinapalungdo.+Ti panangukom ken kinalinteg ken Jacob isuda ti inaramidmo.+
5 Itan-okyo ni Jehova a Diostayo+ ket iruknoyyo ti bagbagiyo iti pagbatayan ti sakana;+Isu nasantuan.+
6 Da Moises ken Aaron mairamanda idi iti papadina,+Ket ni Samuel mairaman idi kadagidiay umaw-awag iti naganna.+Umaw-awagda idi ken Jehova, ket isu nagtultuloy a simmungbat kadakuada.+
7 Iti munmon nga ulep isu nagtultuloy a nagsao kadakuada.+Sinalimetmetanda dagiti pammalagipna ken ti alagaden nga intedna kadakuada.+
8 O Jehova a Diosmi, sika sinungbatam ida.+Nagbalinka kadakuada a Dios a mangipapaay iti pammakawan,+Ken mangipakpakat iti pammales maibusor iti agdindinamag nga ar-aramidda.+
9 Itan-okyo ni Jehova a Diostayo+Ket iruknoyyo ti bagbagiyo iti nasantuan a bantayna.+Ta ni Jehova a Diostayo nasantuan.+
