Salmo 46:1-11
Iti mangiwanwanwan. Ti annak ni Kore+ agpaay Ti Babbalasang. Kanta.
46 Ti Dios maysa a kamang ken pigsa+ maipaay kadatayo,Maysa a saranay a sisasagana a masarakan bayat dagiti riribuk.+
2 Dayta ti makagapu a saantayto nga agbuteng, uray no ti daga agpasar iti panagbalbaliw+Ken uray no agdiwengdiweng dagiti bantay nga agturong iti puso ti nakalawlawa a baybay;+
3 Uray no agungor ti dandanumna, aglabutab,+Uray no agyugayog dagiti bantay iti panagariwawana.+ Selah.
4 Adda maysa a karayan a dagiti baresbesna pagrag-oenda ti siudad ti Dios,+Ti kasasantuan a naindaklan a tabernakulo ti Kangatuan.+
5 Adda ti Dios iti tengnga ti siudad;+ saanto a mapagdiwengdiweng dayta.+Tulonganto dayta ti Dios iti panagparang ti bigat.+
6 Nagaariwawa dagiti nasion,+ nagdiwengdiweng dagiti pagarian;Isu naguni babaen iti timekna, nalunag ti daga.+
7 Ni Jehova ti buybuyot adda kadatayo;+Ti Dios ni Jacob ket natalged a kamang maipaay kadatayo.+ Selah.
8 Umaykayo, imatanganyo ti ar-aramid ni Jehova,+No kasano a nangipasdek iti makapamalanga a paspasamak iti daga.+
9 Pagsardengenna dagiti gubat agingga iti ungto ti daga.+Rungrungduenna ti bai ket putedputedenna ti pika;+Dagiti kareson ipuorna iti apuy.+
10 “Rumukmakayo ket ammuenyo a siak ti Dios.+Maitan-okakto iti tengnga dagiti nasion,+Maitan-okakto iti daga.”+
11 Ni Jehova ti buybuyot adda kadatayo;+Ti Dios ni Jacob ket natalged a kamang maipaay kadatayo.+ Selah.
