Salmo 142:1-7
Maskil. Ni David, idi isu adda iti rukib.+ Kararag.
142 Babaen iti timekko, ken Jehova immasugak iti tulong;+Babaen iti timekko, ken Jehova nagikkisak iti parabur.+
2 Iti sanguananna imbukbukbokko ti pannakaseknanko;+Iti sanguananna nagtultuloyak a mangibaga ti maipapan iti bukodko a rigat,+
3 Idi a ti espirituk+ natalipungaw iti unegko.Iti kasta sika ammom ti dalanko.+Iti dana a pagnaak+Nangilemmengda iti palab-og maipaay kaniak.+
4 Kumitaka iti makannawan ket kitaemNga awan asinoman a mangipapaay iti aniaman a panangbigbig kaniak.+Napukawanak iti disso a pagkamangak;+Awan asinoman a mangim-imtuod iti kararuak.+
5 Immasugak kenka, O Jehova, iti tulong.+Kinunak: “Sika ti kamangko,+Ti binglayko+ iti daga dagidiay sibibiag.”+
6 Ipangagmo ti agpakpakaasi nga ikkisko,+Ta nagbalinak a napanglaw iti kasta unay.+Ispalennak kadagiti mangidaddadanes kaniak,+Ta napigpigsada ngem siak.+
7 Iruarmo ti kararuak manipud iti mismo a bartolina+Tapno idayawko ti naganmo.+Iti aglawlawko aguurnong koma dagidiay nalinteg,+Agsipud ta pakilangenannak a siuumiso.+
