Salmo 63:1-11
Samiweng ni David, idi adda idiay let-ang ti Juda.+
63 O Dios, sika ti Diosko, kanayon a sapsapulenka.+Ti kararuak mawaw kenka.+Ti lasagko natalipungaw iti panangil-iliw kenkaIti daga a namaga ken napaksuyan, a sadiay awan danum.+
2 Iti kasta nakitaka iti nasantuan a disso,+Iti pannakakitak ti pigsam ken dayagmo.+
3 Agsipud ta ti naayat a kinamanangngaasim nasaysayaat ngem iti biag,+Dagiti bukodko a bibig padayawandakanto.+
4 Iti kasta bendituenkanto bayat ti panagbiagko;+Iti naganmo itag-aykonto dagiti dakulapko.+
5 Kas iti kasayaatan a paset, ti mismo a kinalukmeg, mapnek ti kararuak,+Ket babaen kadagiti bibig ti narag-o nga ik-ikkis mangidaton ti ngiwatko iti panagdayaw.+
6 No malaglagipka idi iti rabaw ti pagiddaak,+Bayat dagiti panagbantay iti rabii mennamennaenka.+
7 Ta nagbalinka a tulong kaniak,+Ket iti salinong dagiti payakmo agdir-iak a sirarag-o.+
8 Ti kararuak sinurotnaka a sisisinged;+Ti makannawan nga imam agtultuloy a mangiggem a siiirut kaniak.+
9 No maipapan kadagidiay mangsapsapul iti kararuak maipaay iti pannakarbana,+Dumtengdanto kadagiti kababaan a paset ti daga.+
10 Mayawatdanto iti pannakabalin ti kampilan;+Agbalindanto a bingay laeng maipaay kadagiti sora.+
11 Ket ti met laeng ari agrag-onto iti Dios.+Tunggal maysa nga agsapata babaen kenkuana agpasindayagto,+Ta ti ngiwat dagidiay agsasao iti kinaulbod masullatanto.+
