Salmo 13:1-6
Iti mangiwanwanwan. Samiweng ni David.
13 Kasanonto kabayag, O Jehova, a lipatennak?+ Iti agnanayon?+Kasanonto kabayag nga ilingedmo ta rupam manipud kaniak?+
2 Kasanonto kabayag nga isaadko ti isusupiat iti kararuak,Ti ladingit iti pusok iti aldaw?Kasanonto kabayag a ti kabusorko maitan-ok iti ngatuek?+
3 Kumitaka kaniak; sungbatannak, O Jehova a Diosko.Pagsilnagem dagiti matak,+ tapno saanak koma a maturog ken patay,+
4 Tapno ti kabusorko saanna koma a kunaen: “Nagballigiak kenkuana!”Tapno saan koma nga agrag-o dagiti mismo a kalabanko agsipud ta napagbariringak.+
5 No maipapan kaniak, iti naayat a kinamanangngaasim nagtalekak;+Ti pusok agrag-o koma iti panangisalakanmo.+
6 Kantaakto ni Jehova, ta isu nakilangen a siiimbag kaniak.+
