Salmo 16:1-11
Miktam ni David.
16 Aywanannak, O Dios, ta nagkamangak kenka.+
2 Kinunak ken Jehova: “Sika ni Jehova; ti kinaimbagko ket, saan a maipagapu kenka,+
3 No di ket kadagidiay sasanto nga adda iti daga.Isuda, dagidiay nadaeg a mismo, dagidiay a kadakuada adda ti isuamin a pakaragsakak.”+
4 Dagiti rigat umaduda kadagidiay, no adda ti sabali pay, agdardaras a sumurot kenkuana.+Saankonto nga ibukbok dagiti datonda nga inumen a dara,+Ket saankonto nga awiten dagiti naganda kadagiti bibigko.+
5 Ni Jehova ti bingay ti naituding a binglayko+ ken ti kopak.+Petpetpetam a siiirut ti pannaka-bunotko.
6 Dagiti met laeng pagrukod a banteng naitumpong kaniak kadagiti makaay-ayo a disso.+Pudno, ti bukodko a sanikua napaneknekan a makaay-ayo kaniak.
7 Bendituekto ni Jehova, a nangipaay kaniak iti balakad.+Pudno, bayat dagiti rabii linintegdak dagiti bekkelko.+
8 Insaadko ni Jehova iti sanguanak a patinayon.+Agsipud ta isu adda iti makannawanko, saanakto a mapagdiwengdiweng.+
9 Gapuna ti pusok agragsak, ket ti dayagko agannayas nga agrag-o.+Kasta met, ti bukodko a lasag agtaengto iti kinatalged.+
10 Ta saanmonto a baybay-an ti kararuak idiay Sheol.+Saanmonto nga ipalubos a daydiay nasungdom makitana ti abut.+
11 Ipakaammomto kaniak ti dana ti biag.+Ti panagrag-o agingga iti pannakapnek adda iti sanguanan ta rupam;+Adda pakaay-aywan iti makannawan nga imam iti agnanayon.+
