Salmo 56:1-13
Iti mangiwanwanwan iti Naulimek a Kalapati iti tengnga dagidiay adda iti adayo. Ni David. Miktam. Idi nga isu tiniliw dagiti Filisteo idiay Gat.+
56 Ipaayannak iti parabur, O Dios, agsipud ta sinikbabnak ti mortal a tao.+Iti pannakigubat iti intero nga agmalem, isu irurrurumennak.+
2 Dagiti kalabanko nagsiksikbabda iti intero nga agmalem,+Ta adu ti sipapalangguad a makigubgubat kaniak.+
3 Aniaman nga aldaw nga agbutengak, siak, iti biangko, agtalekakto kenka a mismo.+
4 Iti pannakikaykaysa iti Dios idaydayawkonto ti saona.+Iti Dios inkabilko ti panagtalekko; saanakto nga agbuteng.+Ania ti maaramidan kaniak ti lasag?+
5 Iti intero nga agmalem saksaktanda dagiti kabukbukodak nga aramid;Amin dagiti panunotda bumusor kaniak maipaay iti dakes.+
6 Dumarupda, aglemmengda,+Isuda, iti biangda, palpaliiwenda dagiti mismo nga addangko,+Bayat nga inurayda ti kararuak.+
7 Maigapu iti panangpaspasakitda ipuruakmo ida.+Iti unget ipababam uray dagiti ili, O Dios.+
8 Sika impadamagmo ti kinapugantek.+Ikabilmo dagiti luak iti lalat a boteliam.+Saanda aya nga adda iti librom?+
9 Iti dayta a tiempo tumallikudto dagiti kabusorko, iti aldaw nga iyaawagko;+Pagaammok unay daytoy, a ti Dios agpaay kaniak.+
10 Iti pannakikaykaysa iti Dios+ idaydayawkonto ti saona;Iti pannakikaykaysa ken Jehova idaydayawkonto ti saona.+
11 Iti Dios inkabilko ti panagtalekko. Saanakto nga agbuteng.+Ania ti maaramidan kaniak ti naindagaan a tao?+
12 Kaniak, O Dios, adda karkari kenka.+Mangipaayakto kadagiti ebkas ti panagyaman kenka.+
13 Ta inispalmo ti kararuak ken patay+—Saan aya nga inispalmo dagiti sakak iti pannakaitibkol?+—Tapno makapagnaak iti sanguanan ti Dios iti lawag dagidiay sibibiag.+
