Salmo 149:1-9
149 Idaydayawyo ni Jah!+Kantaanyo ni Jehova iti baro a kanta,+Ti pannakaidaydayawna iti kongregasion dagidiay nasungdo.+
2 Agragsak koma ti Israel iti Naindaklan a Nangaramid kenkuana,+Ti annak ti Sion—agrag-oda koma iti Arida.+
3 Idaydayawda koma ti naganna buyogen ti panagsala.+Buyogen ti pandereta ken ti arpa mangipaayda koma iti samiweng kenkuana.+
4 Ta pagragragsakan ni Jehova ti ilina.+Palibnosenna dagidiay naemma iti pannakaisalakan.+
5 Dagidiay nasungdo agragsakda koma iti dayag;Agdir-ida koma a sirarag-o kadagiti pagiddaanda.+
6 Dagiti kanta a pangidayaw iti Dios adda koma iti karabukobda,+Ket ti kampilan a dua ti tademna adda koma iti imada,+
7 Tapno ipakatda ti pammales kadagiti nasion,+Pammabalaw kadagiti nasional a bunggoy,+
8 Tapno baludenda ti ar-arida babaen kadagiti alimbatong+Ken dagidiay madaydayaw kadakuada babaen kadagiti grilios a landok,
9 Tapno ipakatda kadakuada ti hudisial a pangngeddeng a naisurat.+Ti kasta a kinangayed kukua amin dagidiay nasungdona.+Idaydayawyo ni Jah!+
