Salmo 94:1-23
94 O Dios ti ar-aramid ti pammales, Jehova,+O Dios ti ar-aramid ti pammales, agsilnagka!+
2 Tumakderka, O Ukom ti daga.+Mangyegka iti pannusa kadagidiay natangsit.+
3 Kasano kabayag a dagiti nadangkes, O Jehova,+Kasano kabayag a dagiti met laeng nadangkes agrag-oda?+
4 Agyes-esngawda, agsasaoda a di namedmedan;+Amin dagiti managaramid iti makapasakit agpangpangasda maipapan iti bagbagida.+
5 Ti ilim, O Jehova, rumekrumekenda,+Ket ti tawidmo parparigatenda.+
6 Ti balo a babai ken ti ganggannaet nga agnanaed patayenda,+Ket dagiti awan amana nga ubbing papatayenda.+
7 Ket kunkunaenda: “Saan a makita ni Jah;+Ket ti Dios ni Jacob saanna a maawatan dayta.”+
8 Itarusanyo, dakayo nga awan nakemna kadagiti umili;+Ket no maipapan kadakayo a maag, kaanonto a maaddaankayo iti aniaman a pannakatarus?+
9 Daydiay mangimulmula iti lapayag, saan aya a makangngeg?+Wenno Daydiay mangar-aramid iti mata, saan aya a makakita?+
10 Daydiay mangilinlinteg kadagiti nasion, saan aya a makatubngar,+Daydiay mismo a mangisursuro kadagiti tattao iti pannakaammo?+
11 Ammo ni Jehova ti pampanunot dagiti tattao, a kaslada iti sang-aw.+
12 Naragsak ti nabaneg a lalaki a lintegem,+ O Jah,Ken isurom manipud bukodmo a linteg,+
13 Tapno isu ipaayam iti kinaulimek manipud al-aldaw ti didigra,+Agingga a daydiay nadangkes maikalian iti abut.+
14 Ta saanto a baybay-an ni Jehova ti ilina,+Saannanto met a panawan ti bukodna a tawid.+
15 Ta ti hudisial a pangngeddeng agsublinto iti mismo a kinalinteg,+Ket amin dagiti napalungdo iti puso surotendanto dayta.
16 Siasinonto ti bumangon maipaay kaniak maibusor kadagiti managaramid iti dakes?+Siasinonto ti agtakder maipaay kaniak maibusor kadagiti managaramid iti panangpasakit?+
17 Malaksid no timmulong kaniak ni Jehova,+Iti apagbiit a kanito nagtaeng koman ti kararuak iti kinaulimek.+
18 Idi kinunak: “Ti sakak siguradonto nga agkaglis,”+Ti bukodmo a naayat a kinamanangngaasi, O Jehova, sinarsaranaynak.+
19 Idi a ti mangrirriribuk a pampanunotko immaduda iti unegko,+Dagiti bukodmo a pangliwliwa rinugianda a sappuyoten ti kararuak.+
20 Makialiansanto kadi kenka ti trono a mamatpataud kadagiti panagrigat+Bayat a mangbalabala dayta iti riribuk babaen iti bilin?+
21 Mangaramidda kadagiti napardas nga idadarup iti kararua daydiay nalinteg+Ket ibatadda a nadangkes uray pay ti dara daydiay awanan basol.+
22 Ngem ni Jehova agbalinto a natalged a kamang maipaay kaniak,+Ket ti Diosko isu ti bato ti kamangko.+
23 Ket isublinanto kadakuada ti panangpasakitda+Ket pagulimekennanto ida babaen iti bukodda a pangdidigra.+Ni Jehova a Diostayo pagulimekennanto ida.+
