Salmo 68:1-35
Iti mangiwanwanwan. Ni David. Samiweng, kanta.
68 Tumakder koma ti Dios,+ maiwarawara koma dagiti kabusorna,+Ket dagidiay nakaro ti pananggurada kenkuana pumanawda koma gapu kenkuana.+
2 Kas iti pannakapapanaw ti asuk, papanawem koma ida;+Kas iti pannakalunag ti allid gapu iti apuy,+Mapukaw koma dagidiay nadangkes manipud sanguanan ti Dios.+
3 Ngem no maipapan kadagiti nalinteg, agrag-oda koma,+Maay-ayatanda koma iti sanguanan ti Dios,+Ket agragsakda koma buyogen ti panagrag-o.+
4 Kantaanyo ti Dios, mangipaaykayo iti samiweng iti naganna;+Mangidir-ikayo iti kanta iti Daydiay sisasakay a lumasat kadagiti desierto a tanap+Kas ni Jah, nga isu ti naganna;+ ket agragrag-okayo iti sanguananna;
5 Maysa nga ama dagiti awan amada nga ubbing ken maysa nga ukom dagiti balo a babbai+Ti Dios iti nasantuan a pagnaedanna.+
6 Dagidiay agwaywayas pagnanaeden ti Dios iti maysa a balay;+Isu mangiruruar kadagiti balud nga agturong iti naan-anay a kinarang-ay.+Nupay kasta, no maipapan kadagiti nasungit, agtaengdanto iti natikag a daga.+
7 O Dios, idi napanka iti sanguanan ti ilim,+Idi nagmartsaka a limmasat iti desierto+—Selah—
8 Ti mismo a daga nagyugayog,+Ti met mismo a langit nagtedted gapu iti Dios;+Daytoy a Sinai nagyugayog gapu iti Dios,+ ti Dios ti Israel.+
9 Inrugim a pinagtinnag ti naruay a bayakabak, O Dios;+Ti tawidmo, uray no napakil—sika pinakiredmo manen dayta.+
10 Ti sangakaarrubaan a toltoldam+—nagnaedda iti dayta;+Babaen iti kinaimbagmo insaganam dayta maipaay iti daydiay naparigatan, O Dios.+
11 Ni met laeng Jehova ipaayna ti sasao;+Dagiti babbai a mangibagbaga iti naimbag a damag ket dakkel a buyot.+
12 Agtalaw uray ti ar-ari dagiti buyot, agtalawda.+No maipapan iti babai nga agtalinaed iti pagtaengan, isu makibinglay iti samsam.+
13 Nupay nagid-iddakayo iti nagbabaetan dagiti bunton ti dapo ti pakarso,Addanto dagiti payak ti kalapati a nakalupkopan iti pirakKen dagiti pawisna iti dumuyaw a berde a balitok.+
14 Idi a Daydiay Mannakabalin-amin inwarawarana a sisasaknap ti ar-ari iti dayta,+Nangrugi a nagniebe idiay Zalmon.+
15 Ti nakabambantay a rehion ti Basan+ ket bantay ti Dios;+Ti nakabambantay a rehion ti Basan ket bantay dagiti alimpatok.+
16 Apay, O dakayo a bambantay dagiti alimpatok, a sipsiputanyo a siaapalTi bantay a tinarigagayan ti Dios a pagnaedanna?+Uray ni Jehova a mismo agtaengto sadiay iti agnanayon.+
17 Dagiti pakigubat a karuahe ti Dios pinullo a ribuda, rinibu a maulit-ulit.+Ni met laeng Jehova immay manipud Sinai iti nasantuan a disso.+
18 Immulika sadi ngato;+Nangipanawka kadagiti kautibo;+Nangalaka kadagiti sagut iti porma a tattao,+Wen, uray dagidiay nasungit,+ tapno agtaengka iti tengngada,+ O Jah a Dios.
19 Bendito koma ni Jehova, nga inaldaw a mangbagkat iti awit maipaay kadatayo,+Ti pudno a Dios ti pannakaisalakantayo.+ Selah.
20 Kadatayo ti pudno a Dios ket maysa a Dios ti mangisalakan nga ar-aramid;+Ket ti daldalan a pagruaran manipud ken patay+ kukua ni Jehova a Soberano+ nga Apo.
21 Pudno a ti met laeng Dios rumekrumekennanto ti ulo dagiti kabusorna,+Ti nabuok a kuppokuppo ti asinoman nga agpagnapagna gapu iti panagbasolna.+
22 Kinuna ni Jehova: “Manipud iti Basan isublikto,+Isublikto ida manipud kadagiti kaadalman ti baybay,+
23 Tapno iti kasta mabugguam ti sakam iti dara,+Tapno ti dila dagiti asom adda koma bingayna manipud kadagiti kabusor.”+
24 Nakitada dagiti martsam, O Dios,+Dagiti martsa ti Diosko, ti Arik, nga agturong iti nasantuan a disso.+
25 Dagiti kumakanta napanda iti sanguanan, dagiti managtokar kadagiti pagtokar nga adda kuerdasna simmarunoda kadakuada;+Iti nagbaetan adda idi ti babbalasang a mangtimtimpag kadagiti pandereta.+
26 Kadagiti naguummong a reprep bendituenyo ti Dios,+Ni Jehova, O dakayo a naggapu iti Ubbog ti Israel.+
27 Sadiay adda ni bassit a Benjamin a mangparparukma kadakuada,+Dagiti prinsipe ti Juda agraman ti agdirdir-i a bunggoyda,Dagiti prinsipe ti Zabulon, dagiti prinsipe ti Neftali.+
28 Ti Diosmo nangipasdek iti bilin iti pigsam.+Mangipakitaka iti pigsa, O Dios, sika a nagtignay maipaay kadakami.+
29 Gapu iti templom idiay Jerusalem,+Ti ar-ari mangyegdanto kadagiti sagut kenka.+
30 Babalawem dagiti atap nga animal kadagiti runo,+ ti ummong dagiti toro,+Agraman dagiti kigaw a baka dagiti ili, tunggal maysa agpadpaddak iti pispisi ti pirak.+Winarawarana dagiti ili a maragsakan kadagiti dangadang.+
31 Ti bambanag a naaramid iti bronse rummuardanto manipud Egipto;+Ti met laeng Cus sidadarasto nga unnatenna dagiti imana nga addaan sagsagut iti Dios.+
32 O dakayo a pagpagarian ti daga, kantaanyo ti Dios,+Mangipaaykayo iti samiweng ken Jehova—Selah—
33 Iti Daydiay sisasakay iti kadaanan a langit ti langlangit.+Adtoy! Isu aguni babaen ti timekna, maysa a napigsa a timek.+
34 Ti pigsa ipabiangyo iti Dios.+Iti ngatuen ti Israel adda ti kinatan-okna ket ti pigsana adda kadagiti ulep.+
35 Ti Dios nakaam-amak manipud naindaklan a santuariom.+Isu ti Dios ti Israel, a mangmangted iti pigsa, uray pay bileg kadagiti umili.+Bendito koma ti Dios.+
