Salmo 43:1-5
43 Ukomennak,+ O Dios,Ket tamingem ti legal a kasok+ maibusor iti nasion a saan a nasungdo.Manipud iti tao ti panangallilaw ken kinakillo ilisinak koma.+
2 Ta sika ti Dios ti sarikedkedko.+Apay nga inwaksinak?Apay nga agpagnapagnaak a naliday gapu iti panangirurumen ti kabusor?+
3 Ibaonmo ti silawmo ken ti kinapudnom.+Dagitoy met laeng idalandak koma.+Ipandak koma iti nasantuan a bantaymo ken iti naindaklan a tabernakulom.+
4 Ket umayakto iti altar ti Dios,+Iti Dios, ti siraragsak a panagdir-ik.+Ket idayawkanto iti arpa, O Dios, Diosko.+
5 Apay a maup-upayka, O kararuak,+Ket apay a naariwawaka iti unegko?Urayem ti Dios,+Ta isu idayawkonto pay kas ti naindaklan a pakaisalakanan ti kinataok ken kas ti Diosko.+
