Salmo 143:1-12
Samiweng ni David.
143 O Jehova, denggem ti kararagko;+Umimdengka iti panagpakaasik.+Iti kinamatalekmo sungbatannak iti kinalintegmo.+
2 Ket dika makiinnukom iti adipenmo;+Ta iti sanguanam awan asinoman a sibibiag nga agbalin a nalinteg.+
3 Ta ti kabusor kinamatna ti kararuak;+Rinumekna ti biagko agingga iti mismo a daga.+Pinagnaednak kadagiti nasipnget a lugar kas kadagidiay natayen iti tiempo a di nakedngan.+
4 Ket ti espirituk+ talipungawen iti unegko;Iti kaunggak mabibineg a mismo ti pusok.+
5 Linagipko dagiti aldaw ti nabayagen a tiempo;+Minennamennak ti isuamin nga aramidmo;+Situtulokak a nangut-utob iti aramid dagiti bukodmo nga ima.+
6 Inukradko kenka dagiti imak;+Kenka ti kararuak ket kas iti napaksuyan a daga.+ Selah.
7 O darasem, sungbatannak, O Jehova.+Ti espirituk dimtengen iti panagngudo.+Dika ilinged ta rupam kaniak,+Ta no saan mayaspingakto kadagidiay bumabbaba iti abut.+
8 Iti bigat ipangngegmo kaniak ti naayat a kinamanangngaasim,+Ta kenka inkabilko ti panagtalekko.+Ipakaammom kaniak ti dalan a rebbeng a pagnaak,+Ta kenka intag-ayko ti kararuak.+
9 Ispalennak iti kabkabusorko, O Jehova.+Kimlebak uray pay kenka.+
10 Isuronak a mangaramid iti pagayatam,+Ta sika ti Diosko.+Ti espiritum naimbag;+Idalannak koma dayta iti daga ti kinapalungdo.+
11 Maipagapu iti naganmo,+ O Jehova, taginayonennak koma a sibibiag.+Iti kinalintegmo+ iruarmo koma ti kararuak manipud rigat.+
12 Ket iti naayat a kinamanangngaasim pagulimekem koma dagiti kabusorko;+Ket dadaelem koma amin dagidiay mangbusbusor iti kararuak,+Ta siak ti adipenmo.+
