Salmo 78:1-72
Maskil. Ni Asaf.+
78 Umimdengka, O ilik, iti lintegko;+Iyallingagyo ti lapayagyo kadagiti sasao ti ngiwatko.+
2 Iti maysa a pagkukuna a proverbio luktakto ti ngiwatko;+Mamagburayokakto kadagiti burburtia ti nabayagen a tiempo,+
3 A nangngegan ken naammuantayo,+Ken insalaysay kadatayo dagiti bukodtayo nga amma;+
4 A saantayo nga ilemmeng manipud iti annakda,+Nga isalaysay ida uray pay iti kaputotan nga umay,+Dagiti pakaidaydayawan ni Jehova ken ti pigsana+Ken ti nakaskasdaaw a bambanagna nga inaramidna.+
5 Ket nangpatanor iti pammalagip ken Jacob,+Ket nangipasdek iti linteg iti Israel,+Bambanag nga imbilinna kadagidi ammatayo,+Tapno ipakaammo ida iti annakda;+
6 Tapno iti kasta ti kaputotan nga umay, ti annak a mayanak, maammuanda ida,+Tapno tumakderda ket isalaysayda ida iti annakda,+
7 Ken tapno maisaadda ti panagtalekda iti Dios a mismo+Ket saanda a malipatan ti ar-aramid ti Dios+ no di ket tungpalenda dagiti bukodna a bilin.+
8 Ket saanda koma nga agbalin a kas kadagidi ammada,+Maysa a kaputotan a nasungit ken rebelioso,+Maysa a kaputotan a saan a nangisagana iti pusoda+Ket ti espirituda saan a mapagpiaran iti Dios.+
9 Ti annak ni Efraim, nupay armadoda a bumibiat iti bai,+Nagtalawda iti aldaw ti dangadang.+
10 Saanda a sinalimetmetan ti tulag ti Dios,+Ket iti lintegna nagkitakitda a magna.+
11 Rinugianda met a lipaten dagiti pannakilangenna+Ken ti nakaskasdaaw nga ar-aramidna nga impakitana kadakuada.+
12 Iti sanguanan dagidi ammada isu nagaramid a nakaskasdaaw unay+Iti daga ti Egipto,+ ti tay-ak ti Zoan.+
13 Binisngayna ti baybay, tapno mapagballasiwna ida,+Ket pinagtakderna ti dandanum kas iti maysa a puttot.+
14 Ket intultuloyna nga iturong ida babaen iti ulep iti aldaw+Ken iti agpatpatnag babaen iti lawag ti apuy.+
15 Nangbettak kadagiti bato iti let-ang,+Tapno mapainumna ida a sibubuslon a kas kadagiti nadanum a yuyeng.+
16 Ket nangpataud kadagiti baresbes manipud iti napasdok a bato+Ken pinagayusna ti dandanum a kas kadagiti karayan.+
17 Ket nagtultuloyda a nagbasol nga ad-adda pay maikaniwas kenkuana+Babaen ti panagrebelde iti Kangatuan iti awanan danum a rehion;+
18 Ket sinubokda ti Dios iti pusoda+Babaen ti panagkiddawda iti makan maipaay iti kararuada.+
19 Gapuna nangrugida nga agsao maibusor iti Dios.+Kinunada: “Ti Dios makayurnos aya iti lamisaan idiay let-ang?”+
20 Adtoy! Kinabilna ti maysa a bato+Tapno agayus koma ti dandanum ket manglayus+ koma dagiti mismo a napegges nga ayus.“Makaited met aya iti tinapay a mismo,+Wenno makaisagana aya iti pagtaraon maipaay iti ilina?”+
21 Dayta idi ti makagapu a nangngeg ni Jehova ket nangrugi nga agrungsot;+Ket ti met laeng apuy napasgedan maibusor ken Jacob,+Ket ti unget met nagpangato maibusor iti Israel.+
22 Ta saanda a naaddaan iti pammati iti Dios,+Ket saanda a nagtalek iti panangisalakanna.+
23 Ket binilinna dagiti naulep a tangatang iti ngato,Ket linuktanna dagiti mismo a ruangan ti langit.+
24 Ket pinagtudtudona kadakuada ti manna a kanenda,+Ket ti bukbukel ti langit impaayna kadakuada.+
25 Dagiti tattao kinnanda ti mismo a tinapay dagidiay mannakabalin;+Dagiti pagtaraon impatulodna kadakuada agingga a napnekda.+
26 Ti wayaway nga angin rinugianna a pinasiplog iti langlangit+Ken pinagpuyupoy ti abagat babaen iti bukodna a pigsa.+
27 Ket pinagtudona kadakuada ti pagtaraon a kas iti tapok,+Dagiti mismo a nagpayak nga agtaytayab a parsua a kas kadagiti binukel ti darat dagiti baybay.+
28 Ket pinagtintinnagna ida iti tengnga ti pakarsona,+Iti intero nga aglikmut dagiti tabernakulona.+
29 Ket nangnanganda ken pinempennekda ti bagbagida iti kasta unay,+Ket no ania ti tinarigagayanda inyegna kadakuada.+
30 Saanda a simiasi iti tarigagayda,Bayat a ti taraonda adda pay laeng iti ngiwatda,+
31 Idi a ti met laeng pungtot ti Dios nagpangato maibusor kadakuada.+Ket isu nangpapatay kadagidiay nalungpo kadakuada;+Ket dagiti agtutubo a lallaki ti Israel kinusbona.
32 Agpapan pay amin daytoy nagbasolda nga ad-adda pay+
Ket saanda a naaddaan pammati iti nakaskasdaaw nga ar-aramidna.+
33 Gapuna pinagpatinggana dagiti aldawda a kasla maysa a sang-aw laeng,+Ken dagiti tawenda babaen iti riribuk.
34 Iti kasansan ti panangpapatayna kadakuada, nagimtuodda met kenkuana,+Ket nagsublida ken sinapulda ti Dios.+
35 Ket nangrugi a malagipda a ti Dios isu ti Batoda,+Ket ti Dios a Kangatuan isu ti Manangibalesda.+
36 Ket isu pinadasda a sikapan babaen iti ngiwatda;+Ket babaen iti dilada pinadasda ti agulbod kenkuana.+
37 Ket ti pusoda saan idi a natibker kenkuana;+Ket saanda a napaneknekan a matalek iti tulagna.+
38 Ngem isu naasi;+ abbonganna ti biddut+ ket saan a mangdadael.+Ket adu a daras nga insanudna ti ungetna,+Ket saanna a gutugoten ti isuamin a pungtotna.
39 Ket linaglagipna nga isuda lasagda,+A ti espiritu mapan ket saan nga agsubli.+
40 Anian a namin-adu nga agrebeldeda kenkuana iti let-ang,+Sinaktanda ti riknana iti desierto!+
41 Ket maulit-ulit a subokenda ti Dios,+Ket pinasakitanda uray Daydiay Santo ti Israel.+
42 Saanda a linagip ti imana,+Ti aldaw a panangsubbotna kadakuada manipud iti kalaban,+
43 No kasano nga inkabilna dagiti pagilasinanna iti mismo nga Egipto+Ken dagiti milagrona iti tay-ak ti Zoan;+
44 Ken no kasano a dagiti kanal ti Nilo a kukuada rinugianna a pinagbalin a dara,+Tapno saanda a makainum kadagiti bukodda a baresbes.+
45 Nangibaon kadakuada kadagiti bingraw, tapno dagitoy ibusenda ida;+Ken kadagiti tukak, tapno dagitoy dadaelenda ida.+
46 Ket ti bungada intedna kadagiti ipes,Ken ti nagbannoganda kadagiti dudon.+
47 Pinapatayna ti puon ti ubasda babaen a mismo iti uraro+Ken dagiti kayoda a sikomoro babaen kadagiti bato nga uraro.+
48 Ket dagiti animalda a pagtrabaho inyawatna iti mismo nga uraro+Ken dagiti dinguenda iti nakapudpudot a gurigor.
49 Imbaonna kadakuada ti sumsumged nga ungetna,+Rungsot ken panangkondenar ken riribuk,+Bungbunggoy dagiti anghel a mangyeg iti didigra.+
50 Nangisagana iti dasdas maipaay iti ungetna.+Saanna nga inggawid ti kararuada manipud a mismo ken patay;Ket ti biagda inyawatna uray pay iti angol.+
51 Kamaudiananna kinabilna dagiti amin nga inauna iti Egipto,+Ti punganay ti pannakabalinda nga agpaadu iti toltolda ni Ham.+
52 Kalpasanna tinignayna a pumanaw ti ilina a kas iti maysa nga arban,+Ket inturongna ida a kas iti maysa a pangen iti let-ang.+
53 Ket indaldalanna ida a sitatalged, ket saanda a nakarikna iti panagalinggaget;+Ket ti baybay ginaburanna dagiti mismo a kabusorda.+
54 Ket inyegna ida iti nasantuan a teritoriana,+Daytoy nakabambantay a rehion a ginun-od ti makannawan nga imana.+
55 Ket gapu kadakuada in-inut a pinagtalawna dagiti nasion,+Ket babaen iti pagrukod a parteng biningbingayna kadakuada ti maysa a tawid,+Iti kasta pinagtaengna dagiti tribu ti Israel kadagiti bukodda a pagtaengan.+
56 Ket rinugianda a suboken ken pagrebeldean ti Dios a Kangatuan,+Ket dagiti pammalagipna saanda a sinalimetmetan.+
57 Timmaltallikudda met ken nagtigtignayda a sigugulib kas kadagidi ammada;+Nagbaw-ingda a kasla iti nalukay a bai.+
58 Ket isu intultuloyda a pinagrurod babaen kadagiti nangato a dissoda,+Ket babaen kadagiti kinitikitan a ladawanda isu intultuloyda a ginargari nga agimon.+
59 Nangngeg ti Dios+ ket nagrungsot,+Ket ngarud kinarimonna ti Israel iti kasta unay.+
60 Ket iti kamaudiananna binaybay-anna ti tabernakulo ti Silo,+Ti tolda a nagtaenganna iti tengnga dagiti naindagaan a tattao.+
61 Ket impaayna ti pigsana uray pay iti pannakakautibo+Ken ti pintasna iti ima ti kalaban.+
62 Ket inyaw-awatna ti ilina iti mismo a kampilan,+Ket maibusor iti tawidna isu nagrungsot.+
63 Dagiti agtutubona a lallaki inibus ti apuy,Ket dagiti birhenna saanda a naidaydayaw.+
64 No maipapan iti papadina, napasagda babaen iti mismo a kampilan,+Ket dagiti bukodda a balo saanda a nagsangit.+
65 Idin ni Jehova nagriing a kas manipud pannaturog,+Kas iti daydiay mannakabalin a maun-unawan manipud arak.+
66 Ket kinabilna dagiti kalabanna manipud likudan;+Nangipaay kadakuada iti umsi a di nakedngan ti kapautna.+
67 Ket linaksidna ti tolda ni Jose;+Ket ti tribu ni Efraim saanna a pinili.+
68 Ngem pinilina ti tribu ni Juda,+Ti Bantay Sion, nga inay-ayatna.+
69 Ket rinugianna a bangonen ti santuariona kas kadagiti kangatuan,+Kas iti daga nga imbangonna agingga iti tiempo a di nakedngan.+
70 Ket iti kasta pinilina ni David nga adipenna+Ket innalana kadagiti kulongan ti arban.+
71 Manipud panangsurot kadagiti kabaian nga agpaspasuso+Isu inyegna tapno agbalin a pastor nga agaywan ken Jacob nga ilina+Ken agaywan iti Israel a tawidna.+
72 Ket rinugianna nga ipastoran ida maitunos iti kinatarnaw ti pusona,+Ket babaen iti kinasigo dagiti imana rinugianna nga indalan ida.+
