Salmo 10:1-18
ל [Laʹmedh]
10 Apay, O Jehova, nga agtalinaedka a sitatakder iti adayo?+Apay nga agtalinaedka a silelemmeng kadagiti tiempo ti riribuk?+
2 Iti kinatangsitna daydiay nadangkes sibabara a kamatenna daydiay naparigatan;+Matiliwda kadagiti kapanunotan a pinanunotda.+
3 Ta ti nadangkes indaydayawna ti bagina gapu iti managimbubukodan a panagiliw ti kararuana,+Ket daydiay gumunggun-od iti di maiparbeng a gunggona+ binendisionanna ti bagina;נ [Nun]Saanna a rinaem ni Jehova.+
4 Daydiay nadangkes mayannurot iti kinatangigna saan nga agsukimat;+Amin a kapanunotanna ket: “Awan ti Dios.”+
5 Ti daldalanna rumangrang-ay iti isuamin a tiempo.+Dagiti hudisial a pangngeddengmo nangatoda a saanna a madanon;+No maipapan kadagidiay amin a mangbusbusor kenkuana, pugsuanna ida.+
6 Kinunana iti pusona: “Saanakto a mapagdiwengdiweng;+Iti kinapkaputotan siakto daydiay saan a madidigra.”+
פ [Peʼ]
7 Ti ngiwatna napno kadagiti sapata ken kadagiti panangallilaw ken iti panangirurumen.+Iti sirok ti dilana adda ti riribuk ken ti makapasakit.+
8 Isu agtugaw iti pagsaneban dagiti purok;Manipud kadagiti natalimeng a lugar papatayennanto ti maysa nga awanan basol.+
ע [ʽAʹyin]Dagiti matana agsipsiputda iti maysa a dakes ti kalak-amanna.+
9 Isu agpadpadaan idiay natalimeng a lugar kas iti leon iti talimengna.+Isu agpadpadaan+ tapno puersaenna nga alaen ti maysa a naparigatan.Puersaenna nga alaen daydiay naparigatan no guyodenna a pagkaemen ti iketna.+
10 Isu mailupitlupit, isu agrukob,Ket ti buyot dagidiay naliday mapasagto kadagiti napigsa a kukona.+
11 Kinunana iti pusona:+ “Nakalipaten ti Dios.+Inlingedna ti rupana.+Sigurado a saannanto a pulos makita dayta.”+
ק [Qof]
12 Tumakderka,+ O Jehova. O Dios, itag-aymo ta imam.+Dika lipaten dagidiay naparigatan.+
13 Apay ngata a daydiay nadangkes saanna a rinaem ti Dios?+Kinunana iti pusona: “Saankanto a mangalikagum iti pannakikuenta.”+
ר [Resh]
14 Ta sika nakitam ti riribuk ken pannakasemsem.Kumitkitaka, tapno alaem ida ita imam.+Daydiay dakes ti kalak-amanna,+ ti awan amana nga ubing, italekna kenka ti bagina.Sika nagbalinka a katulonganna.+
ש [Shin]
15 Tukkolem ti takiag daydiay nadangkes ken dakes.+Sukimatem koma ti kinadangkesna agingga nga awanen ti masarakam.+
16 Ni Jehova ket Ari agingga iti tiempo a di nakedngan, iti mismo nga agnanayon.+Dagiti nasion napukawda manipud iti dagana.+
ת [Taw]
17 Ti tarigagay dagidiay naemma pudno unay a denggemto,+ O Jehova.Isaganamto ti pusoda.+Mangipangagkanto babaen iti lapayagmo,+
18 Tapno ukomem ti awan amana nga ubing ken daydiay nailupitlupit,+Iti kasta ti mortal a tao a naggapu iti daga saanen a pulos mamataud iti panagpigerger.+
