Salmo 22:1-31
Iti mangiwanwanwan iti Kabaian nga Ugsa ti Bannawag. Samiweng ni David.
22 Diosko, Diosko, apay a pinanawannak?+Apay nga adayoka iti panangisalakan kaniak,+Iti sasao ti panagungorko?+
2 O Diosko, umaw-awagak iti aldaw, ket saanka a sumungbat;+Ken iti rabii, ket awan ti kinaulimek iti biangko.+
3 Ngem nasantuanka,+Agnanaed kadagiti panangidaydayaw ti Israel.+
4 Kenka nagtalek dagiti ammami;+Nagtalekda, ket nagtultuloy nga inlisim ida.+
5 Kenka imkisda,+ ket nakatalawda a sitatalged;+Kenka nagtalekda, ket saanda a naibabain.+
6 Ngem maysaak nga igges,+ ket saanak a maysa a tao,Maysa nga um-umsien dagiti tattao ken makapasimron kadagiti umili.+
7 No maipapan kadagidiay amin a makakitkita kaniak, aramidendak a mauy-uyaw;+Ingangngangada a naimbag dagiti ngiwatda, ingilngilangilda ti uloda:+
8 “Intalekna ti bagina ken Jehova.+ Bay-an nga Isu ilisina!+Bay-an nga isu ispalenna, yantangay naragsakan kenkuana!”+
9 Ta sika Daydiay nangaon kaniak iti tian,+Daydiay namagtalek kaniak bayat ti kaaddak kadagiti suso ni inak.+
10 Kenka naipalladawak manipud iti aanakan;+Nanipud iti tian ni inak sikan ti Diosko.+
11 Dika agtalinaed nga adayo kaniak, agsipud ta ti rigat adda iti asideg,+Agsipud ta awan ti sabali a katulongan.+
12 Adu nga urbon a toro ti nanglikmut kaniak;+Dagidiay met laeng mannakabalin ti Basan pinalikmutandak.+
13 Nginangada maibusor kaniak ti ngiwatda,+Kas maysa a leon a mangrangrangkay ken agngerngernger.+
14 Kas iti danum naiparukpokak,+Ket amin a tultulangko napagsisina iti maysa ken maysa.+Ti pusok nagbalin a kas allid;+Nalunag iti kaunggan ti makin-uneg a paspasetko.+
15 Ti bilegko nagmaga kas iti maysa a ribak ti damili,+Ket ti dilak naidekket kadagiti gugotko;+Ket iti tapok ni patay sika isasaadnak.+
16 Ta dagiti aso pinalikmutandak;+Ti ummong dagiti mismo a managaramid iti dakes tinikubdak.+Kas iti maysa a leon addada iti im-imak ken saksakak.+
17 Mabilangko amin a tultulangko.+Isuda kumitada, matmatandak.+
18 Pagbibingayanda dagiti kawesko,+Ket ti pagan-anayko pagbibinnunotanda.+
19 Ngem sika, O Jehova, O dika agtalinaed nga adayo.+O sika a pigsak,+ agganatka iti panangtulong kaniak.+
20 Ti kararuak ispalem iti kampilan,+Ti kakaisuna a kukuak manipud iti mismo a gammat ti aso;+
21 Isalakannak iti ngiwat ti leon,+Ket kadagiti sara dagiti atap a toro sungbatannak koma ken isalakannak.+
22 Ideklarakto ti naganmo+ iti kakabsatko;+Iti tengnga ti kongregasion idaydayawkanto.+
23 Dakayo a managbuteng ken Jehova, idaydayawyo!+Dakayo amin a bin-i ni Jacob, idayawyo!+Ket maaliawkayo kenkuana, dakayo amin a bin-i ni Israel.+
24 Ta saanna nga inumsi+Wenno uray kinarumen ti pannakaparigat daydiay naparigatan;+Ket saanna nga inlinged ti rupana manipud kenkuana,+Ket idi isu nagpatulong kenkuana dinengngegna.+
25 Agtaudto kenka ti panangidaydayawko iti dakkel a kongregasion;+Dagiti karik tungpalekto iti sanguanan dagidiay agbuteng kenkuana.+
26 Dagidiay naemma mangandanto ket mapnekda;+Dagidiay mangsapsapul kenkuana idaydayawdanto ni Jehova.+Ti puspusoyo agbiag koma iti agnanayon.+
27 Amin dagiti ungto ti daga manglagipdanto ket agsublida ken Jehova.+Ket amin dagiti pamilia ti nasnasion agruknoydanto iti sanguanam.+
28 Ta ti kinaari kukua ni Jehova,+Ket dominaranna dagiti nasion.+
29 Amin dagidiay nalukmeg iti daga mangandanto ket agruknoydanto;+Iti sanguananna agparintumengto amin dagidiay bumabbaba nga agturong iti tapok,+Ket awan a pulos ti asinoman a makataginayonto a sibibiag iti bukodna a kararua.+
30 Ti met laeng maysa a bin-i agserbinto kenkuana;+Maideklaranto dayta mainaig ken Jehova iti kaputotan.+
31 Umaydanto ket ibagada ti maipapan iti kinalintegna+Iti ili a mayanak, nga inaramidna daytoy.+
