Salmo 37:1-40
Ni David.
א [ʼAʹlef]
37 Dika agpudpudot gapu kadagiti managaramid iti dakes.+Dika umapal kadagidiay agar-aramid iti kinakillo.+
2 Ta kas iti ruot magangodanto a sipapardas,+Ken kas iti nalangto a baro a ruot aglumendanto.+
ב [Beth]
3 Agtalekka ken Jehova ket aramidem ti naimbag;+Agtaengka iti daga, ket makilangenka buyogen ti kinamatalek.+
4 Kasta met agragsakka iti napalalo ken Jehova,+Ket itdennanto kenka dagiti kiddaw ta pusom.+
ג [Giʹmel]
5 Iyadanim ken Jehova ti dalanmo,+Ket agkammatalekka kenkuana,+ ket isu agtignayto.+
6 Ket sigurado nga iruarnanto ti kinalintegmo kas iti mismo a lawag,+Ken ti kinahustisiam kas iti tengnga ti aldaw.+
ד [Daʹleth]
7 Agulimekka iti sanguanan ni Jehova+Ket agurayka a sigagagar kenkuana.+Dika agpudpudot iti asinoman a mamagbalballigi iti dalanna,+Iti tao a mangitungtungpal kadagiti kapanunotanna.+
ה [Heʼ]
8 Baybay-am ti unget ket panawam ti pungtot;+Dika agpudpudot ta dakes laeng ti maaramidam.+
9 Ta magessatto dagiti mismo a managaramid iti dakes,+Ngem dagidiay mangin-inanama ken Jehova isuda ti mangtagikuanto iti daga.+
ו [Waw]
10 Ket iti apagbiit laengen a kanito, ket daydiay nadangkes awanton;+Ket pudno unay nga imutektekamto ti lugarna, ket isu awanton.+
11 Ngem dagidiay naemma tagikuaendanto ti daga,+Ket pudno a maragsakandanto iti napalalo iti kinaruay ti talna.+
ז [Zaʹyin]
12 Daydiay nadangkes agisiksikat maibusor iti daydiay nalinteg,+Ket ingarngaretngetna kenkuana dagiti ngipenna.+
13 Isu katawaanto ni Jehova a mismo,+Ta sigurado a makitana a dumtengto ti aldawna.+
ח [Cheth]
14 Dagidiay nadangkes nangasutda iti kampilan a mismo ket binallokda ti baida,+Tapno ipasagda daydiay naparigatan ken napanglaw,+Tapno gudasenda dagidiay a napalungdo iti dalanda.+
15 Ti bukodda a kampilan sumrekto iti pusoda,+Ket dagiti bukodda a bai matukkolto.+
ט [Teth]
16 Nasaysayaat ti sangkabassit daydiay nalinteg+Ngem ti kinaruay dagidiay adu a nadangkes.+
17 Ta dagiti mismo a takiag dagidiay nadangkes matukkolto,+Ngem ni Jehova saranayennanto dagidiay nalinteg.+
י [Yodh]
18 Ni Jehova ammona dagiti aldaw dagidiay awan pagkuranganna,+Ket ti mismo a tawidda agtultuloyto uray pay agingga iti tiempo a di nakedngan.+
19 Saandanto a mabainan iti tiempo ti didigra,+Ket iti al-aldaw ti nakaro a bisin mapnekdanto.+
כ [Kaf]
20 Ta dagiti met laeng nadangkes mapukawdanto,+Ket dagiti kabusor ni Jehova kasladanto iti napateg a paspaset dagiti pagaraban;Masapul a dumtengda iti panagngudoda.+ Iti asuk masapul a dumtengda iti panagngudoda.+
ל [Laʹmedh]
21 Daydiay nadangkes umutang ket saan nga agbayad,+Ngem daydiay nalinteg mangipaay iti parabur ken agisagut.+
22 Ta dagidiay bembendisionanna tagikuaendanto ti daga,+Ngem magessatto dagidiay idawdawatanna ti pakadaksan.+
מ [Mem]
23 Babaen ken Jehova naisagana dagiti mismo nga addang ti maysa a nabaneg a lalaki,+Ket iti dalanna Isu maragsakan.+
24 Nupay isu mabalin a matuang, saanto a mapadso,+Ta ti imana sarsaranayen ni Jehova.+
נ [Nun]
25 Maysaak idi nga agtutubo, kasta met a limmakayakon,+Ket kaskasdi a saanak a nakakita iti asinoman a nalinteg a naan-anay a nabaybay-an,+Wenno uray dagiti putotna nga agsapsapul iti tinapay.+
26 Iti intero nga agmalem isu mangipaay iti parabur ken agpautang,+Ket ngarud dagiti putotna maikarida iti bendision.+
ס [Saʹmekh]
27 Umadayoka iti dakes ket aramidem ti naimbag,+Ket iti kasta agtaengka agingga iti tiempo a di nakedngan.+
28 Ta ni Jehova ket managayat iti kinahustisia,+Ket saannanto a panawan dagidiay nasungdona.+
ע [ʽAʹyin]
Agingga iti tiempo a di nakedngan sigurado a masaluadandanto;+Ngem no maipapan iti putputot dagidiay nadangkes, pudno a magessatdanto.+
29 Dagiti nalinteg tagikuaendanto ti daga,+Ket agtaengdanto nga agnanayon iti dayta.+
פ [Peʼ]
30 Ti ngiwat ti nalinteg isu daydiay mangisao ti sirib iti nababa a timek,+Ket ti dilana isu ti dila nga agsao a nainkalintegan.+
31 Ti linteg ti Diosna adda iti pusona;+Dagiti addangna saanto nga agdiwerdiwer.+
צ [Tsa·dheʹ]
32 Daydiay nadangkes agtultuloy a sipsiputanna ti nalinteg+Ket ikagkagumaanna a papatayen.+
33 No maipapan ken Jehova, saannanto a baybay-an iti ima dayta,+Ket saannanto nga ibatad a nadangkes inton isu mauk-ukom.+
ק [Qof]
34 Manginanamaka ken Jehova ket salimetmetam ti dalanna,+Ket itan-oknakanto a mangtagikua iti daga.+Inton magessat dagidiay nadangkes, makitamto dayta.+
ר [Resh]
35 Nakitak ti nadangkes a maysa a manangikuspil+Ken mangisalsalumpayak iti bagina kas maysa a nabaludbod a kayo iti tinubuan a daga.+
36 Ket kaskasdi a naglabas, ket sadiay isu awan;+Ket sinapsapulko, ket saan a nasarakan.+
שׁ [Shin]
37 Siputam daydiay awan pakababalawanna ket agtalinaedka a sikikita iti daydiay napalungdo,+Ta ti masanguanan dayta a tao natalnanto.+
38 Ngem dagiti met laeng managsalungasing sigurado a matalipuposto a sangsangkamaysa;+Ti masanguanan ti nadangkes a tattao pudno a magessatto.+
ת [Taw]
39 Ket ti pannakaisalakan dagidiay nalinteg aggapu ken Jehova;+Isu ti sarikedkedda iti tiempo ti riribuk.+
40 Ket tulonganto ida ni Jehova ken ilisina ida.+Ilisina ida iti nadangkes a tattao ket isalakanna ida,+Agsipud ta nagkamangda kenkuana.+
