Salmo 32:1-11
Ni David. Maskil.
32 Naragsak daydiay a ti iyaalsana mapakawan, a ti basolna maabbongan.+
2 Naragsak ti tao nga iti kuentaanna saan a mangikabil ni Jehova iti biddut,+Ket iti espirituna awan ti allilaw.+
3 Idi nagulimekak narunot dagiti tulangko babaen ti panagasugko iti intero nga agmalem.+
4 Ta iti aldaw ken rabii nadagsen kaniak ta imam.+Ti alnaab ti biagko nagbaliw kas iti namaga a pudot ti kalgaw.+ Selah.
5 Ti basolko impudnok kenka iti kamaudianan, ket ti biddutko saanko nga inabbongan.+Kinunak: “Ipudnokto dagiti salungasingko ken Jehova.”+Ket sika pinakawanmo ti biddut dagiti basolko.+ Selah.
6 Maigapu iti daytoy agkararagto kenka ti tunggal nasungdo+Iti laeng tiempo a pannakasarak kenka.+No maipapan iti layus ti adu a danum, isu saandanto a sagiden.+
7 Maysaka a lugar a paglemmengan maipaay kaniak; saluadannakto manipud iti mismo a rigat.+Buyogen dagiti narag-o nga ikkis iti panangilisi likmutennakto.+ Selah.
8 “Pagbalinenkanto nga addaan iti pannakatarus ket isuroka iti dalan a rebbeng a papanam.+Mangipaayakto iti balakad a ti matak situturong kenka.+
9 Dikay pagbalinen ti bagbagiyo a kas iti maysa a kabalio wenno mulo nga awanan pannakaawat,+A ti kinasarantana matngel uray pay babaen ti pangngednged wenno rienda+Sakbay nga umasidegdanto kenka.”+
10 Adu dagiti ut-ot nga adda iti daydiay nadangkes;+Ngem no maipapan iti daydiay agtalek ken Jehova, likmutento ti mismo a naayat a kinamanangngaasi.+
11 Agragsakkayo ken Jehova ken agrag-okayo, dakayo a nalinteg;+Ket agdir-ikayo a sirarag-o, dakayo amin a napalungdo iti puso.+
