Salmo 54:1-7
Iti mangiwanwanwan kadagiti pagtokar nga adda kuerdasna. Maskil. Ni David. Idi a simrek dagiti Zifeo ket kinunada ken Saul: “Saan aya nga aglemlemmeng ni David a kaduami?”+
54 O Dios, babaen ti naganmo isalakannak,+Ket babaen ti kinamannakabalinmo irupirmo koma ti kalintegak.+
2 O Dios, denggem ti kararagko;+Umimdengka kadagiti sasao ti ngiwatko.+
3 Ta adda dagiti ganggannaet a timmakder maibusor kaniak,Ken dagiti manangikuspil a mangsapsapul iti kararuak.+Saanda nga inkabil ti Dios iti sanguananda.+ Selah.
4 Adtoy! Ti Dios isu ti katulongak;+Ni Jehova adda kadagidiay mangsarsaranay iti kararuak.
5 Isupapaknanto ti dakes kadagiti kalabanko;+Iti kinapudnom pagulimekem ida.+
6 Buyogen ti kinatulok agisakripisioakto kenka.+Idayawkonto ti naganmo, O Jehova, ta dayta ket naimbag.+
7 Ta iti tunggal rigat isu inispalnak,+Ket kadagiti kabusorko kimmita ti matak.+
