Salmo 14:1-7
Iti mangiwanwanwan. Ni David.
14 Daydiay nakuneng kinunana iti pusona:“Awan ti Jehova.”+Nagtignayda iti makadadael,+ nagtignayda a nakarimrimon iti pannakilangenda.Awan asinoman nga agar-aramid iti naimbag.+
2 No maipapan ken Jehova, timmannawag manipud iti mismo a langit iti annak ti tattao,+Tapno kitaenna no adda asinoman nga addaan iti pannakatarus, asinoman a mangsapsapul ken Jehova.+
3 Simiasida amin,+ agpapadada amin a rinuker;+Awan asinoman nga agar-aramid iti naimbag,+Awan uray maysa.+
4 Awan aya kadagiti managaramid iti makapasakit ti nakagun-od iti pannakaammo,+Nga ibusenda ti ilik kas iti pannanganda iti tinapay?+Saanda nga immawag uray pay ken Jehova.+
5 Sadiay napnoda iti nakaro nga alinggaget,+Ta ni Jehova adda iti kaputotan daydiay nalinteg.+
6 Ti pammatigmaan daydiay naparigatan ibabainyo,Agsipud ta ni Jehova ti kamangna.+
7 O no adda koma manipud Sion ti pannakaisalakan ti Israel!+Inton ummongen nga isubli ni Jehova dagidiay kautibo iti ilina,+Agrag-o koma ni Jacob, agragsak koma ti Israel.+
