Salmo 145:1-21
Panangidaydayaw, ni David.
א [ʼAʹlef]
145 Itan-okkanto, O Diosko nga Ari,+Ket bendituekto ti naganmo agingga iti tiempo a di nakedngan, iti mismo nga agnanayon.+
ב [Beth]
2 Iti intero nga agmalem bendituenkanto,+Ket idaydayawkonto ti naganmo agingga iti tiempo a di nakedngan, iti mismo nga agnanayon.+
ג [Giʹmel]
3 Ni Jehova naindaklan ken maidaydayaw iti kasta unay,+Ket ti kinanaindaklanna di masukimat.+
ד [Daʹleth]
4 Ti kinapkaputotan padayawandanto dagiti aramidmo,+Ket ti maipapan kadagiti mannakabalin nga aramidmo isaritadanto.+
ה [Heʼ]
5 Ti nadayag a kinangayed ti dayawmo+Ken ti bambanag ti nakaskasdaaw nga ar-aramidmo pagbalinekto a pakaseknak.+
ו [Waw]
6 Ket agsaodanto maipapan iti pigsa ti bukodmo a nakaam-amak a bambanag;+Ket no maipapan iti kinanaindaklanmo, ideklarakto dayta.+
ז [Zaʹyin]
7 Iti pannakadakamat ti kinaruay ti kinaimbagmo agyesngawdanto,+Ket gapu iti kinalintegmo agdir-idanto a sirarag-o.+
ח [Cheth]
8 Ni Jehova managparabur ken naasi,+Nabannayat nga agunget ken naindaklan iti naayat a kinamanangngaasi.+
ט [Teth]
9 Ni Jehova naimbag iti isuamin,+Ket dagiti asina addada iti amin nga ar-aramidna.+
י [Yodh]
10 Amin nga ar-aramidmo idayawdakanto, O Jehova,+Ket dagidiay nasungdom bendituendakanto.+
כ [Kaf]
11 Ti maipapan iti dayag ti kinaarim saritaendanto,+Ket ti maipapan iti kinamannakabalinmo sawendanto,+
ל [Laʹmedh]
12 Tapno ipakaammoda iti annak ti tattao ti mannakabalin nga ar-aramidna+Ken ti dayag ti kinangayed ti kinaarina.+
מ [Mem]
13 Ti kinaarim maysa a kinaari iti amin a tiempo a di nakedngan,+Ket ti panagturaymo adda kadagiti amin nga agsasaruno a kaputotan.+
ס [Saʹmekh]
14 Ni Jehova mangipaay iti saranay kadagiti amin a mapasag,+Ket patakderenna ti isuamin a maparukob.+
ע [ʽAʹyin]
15 Kenka dagiti mata ti isuamin kumitada a siiinanama,+Ket ipaaymo kadakuada ti taraonda iti panawenna.+
פ [Peʼ]
16 Uk-ukradem ta imam+Ken pempennekem ti tarigagay ti tunggal sibibiag a banag.+
צ [Tsa·dheʹ]
17 Ni Jehova nalinteg iti amin a daldalanna+Ken nasungdo iti amin nga ar-aramidna.+
ק [Qof]
18 Ni Jehova asideg kadagidiay amin nga umaw-awag kenkuana,+Kadagidiay amin nga umawag kenkuana iti kinapudno.+
ר [Resh]
19 Ti tarigagay dagidiay agbuteng kenkuana aramidennanto,+Ken ti panagpatulongda denggennanto, ket isalakannanto ida.+
ש [Shin]
20 Ni Jehova saluadanna amin dagidiay mangay-ayat kenkuana,+Ngem amin dagidiay nadangkes talipuposennanto.+
ת [Taw]
21 Ti pakaidaydayawan ni Jehova sawento ti ngiwatko;+Ket ti isuamin a lasag bendituenda koma ti nasantuan a naganna agingga iti tiempo a di nakedngan, iti mismo nga agnanayon.+
