Salmo 40:1-17
Iti mangiwanwanwan. Ni David, samiweng.
40 Sipapasnek a nanginanamaak ken Jehova,+Ket ngarud inyallingagna kaniak ti lapayagna ket nangngegna ti panagpatulongko.+
2 Inaonnak met iti maysa a naungor nga abut,+Iti pitak ti arinsaed.+Kalpasanna pinatakderna dagiti sakak iti rabaw ti maysa a napasdok a bato;+Impasdekna a sititibker dagiti addangko.+
3 Kanayonanna, nangikabil iti ngiwatko iti baro a kanta,Panangidaydayaw iti Diostayo.+Adu ti makakitanto iti dayta ket agbutengdanto,+Ket agtalekdanto ken Jehova.+
4 Naragsak ti nabaneg a lalaki a nangisaad ken Jehova kas talekna+Ken saan a nangitaliaw ti rupana kadagiti naingar a tattao,Wenno uray kadagidiay kumapkappon kadagiti ulbod.+
5 Adu a banag ti inaramidmo,+O Jehova a Diosko, ti mismo a nakaskasdaaw nga ar-aramidmo ken ti pampanunotmo maipaay kadakami;+Awan ti maipadis kenka.+No nagannayasak koma nga agibaga ken agsao maipapan kadakuada,Nagbalinda nga ad-adu ngem iti kabaelak nga ibinsabinsa.+
6 Sakripisio ken daton saanmo a nagragsakan;+Dagitoy lapayagko linuktam.+Ti daton a mapuoran ken daton gapu iti basol saanmo a kiniddaw.+
7 Gapu iti dayta, kinunak: “Adtoy immayak,+Yantangay iti lukot ti libro naisurat ti maipapan kaniak.+
8 Ti panangaramid iti pagayatam, O Diosko, nagragsakak,+Ket ti lintegmo adda kadagiti makin-uneg a pasetko.+
9 Imbagak ti naimbag a damag ti kinalinteg iti dakkel a kongregasion.+Adtoy! Dagiti bibigko saanko a medmedan.+O Jehova, sika ammom unay dayta.+
10 Ti kinalintegmo saanko nga inlimed iti uneg ti pusok.+Ti kinamatalekmo ken ti panangisalakanmo indeklarak.+Saanko nga inlemmeng ti naayat a kinamanangngaasim ken ti kinapudnom iti dakkel a kongregasion.”+
11 Sika, O Jehova, dika medmedan kaniak ti kaasim.+Dagiti met laeng naayat a kinamanangngaasim ken kinapudnom saluadandak koma a patinayon.+
12 Ta dagiti didigra pinalawlawandak agingga a saanen a mabilang ida.+Ad-adu a biddutko ti nangkamakam kaniak ngem iti nabaelak a kitaen;+Nagbalinda nga ad-adu ngem kadagiti buok ti ulok,+Ket ti bukodko a puso binaybay-annak.+
13 Maay-ayoka koma, O Jehova, a mangispal kaniak.+O Jehova, iti panangtulong kaniak agganatka.+
14 Mabainan ken maab-abi koma amin a sangsangkamaysa dagidiay+A mangsapsapul iti kararuak tapno punasenda.+Agsanud ken maipababa koma dagidiay a maragragsakan iti pannakadidigrak.+
15 Agmulagat koma a sisisiddaaw kas pagbanagan ti pannakaibabainda dagidiay+Nga agkunkuna kaniak: “Aha! Aha!”+
16 Agragsak ken agrag-o koma kenka dagidiay,+Amin dagidiay a mangsapsapul kenka.+Kunaen koma a patinayon dagidiay: “Maitan-ok koma ni Jehova,”+Dagidiay a mangay-ayat iti panangisalakanmo.+
17 Ngem naparigatanak ken napanglawak.+Ni met laeng Jehova sipapanunot kaniak.+Sika ti tulongko ken ti Manangilisi kaniak.+O Diosko, saanka koma a maladaw unay.+
