Salmo 28:1-9
Ni David.
28 Kenka, O Jehova, agtultuloyak nga umawag.+O Batok, dika agtuleng kaniak,+Iti kasta saanka koma nga agtalna maipaay kaniak+Ket saan a kasapulan nga agbalinak a kas kadagidiay bumabbaba iti abut.+
2 Denggem ti timek dagiti panagpakaasik inton agpatulongak kenka,Inton itag-ayko dagiti imak+ a maiturong iti kaunggan a siled ti nasantuan a dissom.+
3 Saannak nga ipakuyog kadagiti nadangkes a tattao ken kadagiti managaramid iti makapasakit,+Kadagidiay agsasao iti talna kadagiti kaduada+ ngem iti puspusoda adda ti dakes.+
4 Ipaaymo kadakuada sigun iti panagtignayda+Ken sigun iti kinadakes ti ar-aramidda.+Sigun iti trabaho ti im-imada ipaaymo kadakuada.+Supapakam kadakuada ti bukodda nga aramid.+
5 Ta awan panangipategda kadagiti aramid ni Jehova,+Wenno uray iti trabaho ti im-imana.+Rebbaennanto ida ket saanna ida a bangonen.
6 Bendito koma ni Jehova, ta dinengngegna ti timek dagiti panagpakaasik.+
7 Ni Jehova ti pigsak+ ken kalasagko.+Kenkuana nagtalek ti pusok,+Ket natulonganak, iti kasta agrag-o ti pusok,+Ket babaen iti kantak isu idayawkonto.+
8 Ni Jehova ket pigsa iti ilina,+Ket isu salindeg ti naindaklan a pannakaisalakan daydiay pinulotanna.+
9 Isalakanmo ti ilim, ket bendisionam ti tawidmo;+Ket ipastoram ida ken awitem ida agingga iti tiempo a di nakedngan.+
