Salmo 53:1-6
Iti mangiwanwanwan iti Mahalat.+ Maskil. Ni David.
53 Daydiay nakuneng kinunana iti pusona:“Awan ti Jehova.”+Nagtignayda iti makadadael ken nagtignayda a nakarimrimon iti kinakillo;+Awan asinoman nga agar-aramid iti naimbag.+
2 No maipapan iti Dios, timmannawag manipud iti mismo a langit iti annak ti tattao,+Tapno kitaenna no adda asinoman nga addaan iti pannakatarus, asinoman a mangsapsapul ken Jehova.+
3 Isuda amin timmallikudda, agpapadada amin a rinuker;+Awan asinoman nga agar-aramid iti naimbag,+Awan uray maysa.
4 Awan aya kadagiti managaramid iti makapasakit ti nakagun-od iti pannakaammo,+Nga ibusenda ti ilik kas iti pannanganda iti tinapay?+Saanda nga immawag uray pay ken Jehova.+
5 Sadiay napnoda iti nakaro nga alinggaget,+A sadiay awan idi ti alinggaget;+Ta ti met laeng Dios sigurado nga iwarawarananto dagiti tulang ti asinoman nga agpakarso maibusor kenka.+Sigurado nga ibabainmonto ida, ta ni met laeng Jehova linaksidna ida.+
6 O no naadda koma manipud Sion ti naindaklan a pannakaisalakan ti Israel!+Inton ummongen nga isubli ni Jehova dagidiay kautibo iti ilina,+Agrag-o koma ni Jacob, agragsak koma ti Israel.+
