Salmo 139:1-24
Agpaay iti mangiwanwanwan. Ni David. Samiweng.
139 O Jehova, sinukimatnak, ket ammonak.+
2 Sika naammuam ti panagtugawko ken itatakderko.+Naimutektekam ti panunotko manipud adayo.+
3 Ti panagbaniagak ken panagunnatko rinukodmo,+Ket naammuam unay uray pay ti amin a daldalanko.+
4 Ta awan pay uray maysa a sao iti dilak,+Ngem, adtoy! O Jehova, ammomon amin dayta.+
5 Iti likudan ken iti sanguanan, linakubnak;Ket imparabawmo ta imam kaniak.
6 Ti kasta a pannakaammo nakaskasdaaw unay maipaay kaniak.+Nangato unay iti kasta saanko a magtengan dayta.+
7 Sadino ti mabalinko a papanan manipud espiritum,+Ket sadino ti mabalinko a pagtarayan manipud rupam?+
8 No umuliak koma idiay langit, sadiay addaka;+Ket no isimpak koma ti sopak idiay Sheol, adtoy! addaka sadiay.+
9 No koma alaek dagiti payak+ ti bannawag,Tapno makapagtaengak iti kaadaywan a baybay,+
10 Sadiay, met, ti bukodmo nga ima iturongnak+Ket ti makannawan nga imam tenglennak.+
11 Ket no koma kunaek: “Sigurado a ti mismo a sipnget sigaganat a kemmegennakto!”+Iti kasta ti rabii agbalin a lawag iti aglikmutko.+
12 Uray ti mismo a sipnget saan a nasipnget unay maipaay kenka,+Ngem ti met laeng rabii agsilnag kas ti panagsilnag ti aldaw;+Kasta met a ti sipnget mabalin nga isu ti lawag.+
13 Ta sika pinataudmo dagiti bekkelko;+Pinagtalinaednak a nalingedan iti tian ni inak.+
14 Idayawkanto agsipud ta iti nakaam-amak a pamay-an nakaskasdaaw ti pannakaaramidko.+Nakaskasdaaw dagiti aramidmo,+Kas pagaammo unay ti kararuak.+
15 Dagiti tulangko saanda a nailemmeng manipud kenka+Idi naaramidak iti nalimed,+Idi nasangalak iti kababaan a paspaset+ ti daga.
16 Dagita matam nakitada uray pay ti maisiksikog a bagik,+Ket iti librom naisurat dagiti amin a pasetna,No maipapan iti al-aldaw idi a nabukelda+Ket awan pay idi ti maysa kadakuada.
17 Gapuna, anian a nagpateg kaniak dagiti panunotmo!+O Dios, anian a nagdakkel ti pakadagupan ti intero a pakagupgopanda!+
18 No koma padasek a bilangen ida, ad-aduda pay ngem uray dagiti binukel ti darat.+Nagriingak, ket kaskasdi nga addaak pay laeng kenka.+
19 O no papatayem koma daydiay nadangkes, O Dios!+Iti kasta sigurado a pumanawto kaniak uray dagiti tattao a nakabasol iti dara,+
20 Isuda nga agsao iti bambanag maipapan kenka sigun iti kapanunotanda;+Inaramatda ti naganmo iti awan patpategna a pamay-an+—dagiti kalabanmo.+
21 Saan kadi a guraek dagidiay nakaro ti pananggurada kenka, O Jehova,+Ket saan kadi a karumenko dagidiay umal-alsa maibusor kenka?+
22 Guraek ida buyogen ti naan-anay a gura.+Nagbalinda kaniak a pudpudno a kabkabusor.+
23 Sukisokennak, O Dios, ket ammuem ti pusok.+Sukimatennak, ket ammuem ti mangrirriribuk a pampanunotko,+
24 Ket kitaem no adda kaniak ti aniaman a nasaem a dana,+Ket iturongnak iti dalan+ ti tiempo a di nakedngan.
