Salmo 2:1-12
2 Apay a nagaarimbangaw dagiti nasion+Ket dagiti met laeng nasional a bunggoy nangidaydayamudomda iti ubbaw a banag?+
2 Ti ar-ari ti daga agtakderda+Ket dagiti met laeng nangato nga opisial naguurnongda a nagmaymaysa+Maibusor ken Jehova+ ken maibusor iti daydiay pinulotanna,+
3 A kunkunada: “Pugsatentayo dagiti pagparautda+Ket dagiti paggalutda ibellengtayo iti adayo kadatayo!”+
4 Daydiay mismo a situtugaw iti langlangit+ agkatawanto;Ni met laeng Jehova aramidennanto ida a mauy-uyaw.+
5 Iti dayta a tiempo isu agsaonto kadakuada iti ungetna+Ket iti nabara a rurodna riribukennanto ida,+
6 A kunkunana: “Siak, mismo a siak, insaadko ti arik+Iti rabaw ti Sion,+ ti nasantuan a bantayko.”+
7 Dakamatek ti bilin ni Jehova;Kinunana kaniak: “Sika ti anakko;+Siak, ita nga aldaw, nagbalinak nga amam.+
8 Agkiddawka kaniak,+ tapno maitedko ti nasnasion kas tawidmo+Ken dagiti ungto ti daga kas bukodmo a sanikua.+
9 Rumekemto ida babaen iti setro a landok,+Burakemto ida a kasla maysa a basehas ti agdamdamili.”+
10 Ket ita, O ar-ari, watwatenyo ti pannakatarus;Mailintegkayo koma, O uk-ukom ti daga.+
11 Agserbikayo ken Jehova buyogen ti panagbuteng+Ket agrag-okayo buyogen ti panagpigerger.+
12 Agepanyo ti anak,+ tapno Isu saan nga agpungtot unayKet saankayo a mapukaw iti dalan,+Ta ti ungetna nalaka a sumged.+Naragsak dagidiay amin nga agkamang kenkuana.+
