Salmo 8:1-9
Iti mangiwanwanwan iti Gittith.+ Samiweng ni David.
8 O Jehova nga Apomi, anian a nagdaeg ti naganmo iti intero a daga,+Sika a ti kinatan-okna maibinsabinsa iti ngatuen ti langlangit!+
2 Manipud iti ngiwat dagiti ubbing ken agsussuso nangibangonka iti pigsa,+Maigapu kadagidiay mangbusbusor kenka,+Tapno pagsardengem ti kabusor ken daydiay mangar-aramid ti panagibalesna.+
3 No makitak ti langlangitmo, dagiti aramid ti ramramaymo,+Ti bulan ken dagiti bituen nga insaganam,+
4 Ania ti mortal a tao+ tapno sipapanunotka kenkuana,+Ken ti anak ti naindagaan a tao tapno aywanam?+
5 Isu pinagbalinmo met a nababbaba bassit ngem kadagidiay kas-dios,+Ket kalpasanna isu kinoronaam iti dayag+ ken kinangayed.+
6 Isu pinagbalinmo a mangdominar iti ar-aramid dagita imam;+Isuamin inkabilmo iti baba dagiti sakana:+
7 Babassit nga animal ken kapon a bakbaka, isuda amin,+Ken kasta met dagiti animal iti nawayang a tay-ak,+
8 Dagiti tumatayab ti langit ken ti ikan ti baybay,+Aniaman a lumaslasat iti dandana dagiti baybay.+
9 O Jehova nga Apomi, anian a nagdaeg ti naganmo iti intero a daga!+
