Salmo 74:1-23
Maskil. Ni Asaf.+
74 Apay, O Dios, a nangiwaksika iti agnanayon?+Apay a ti ungetmo umas-asuk maibusor iti arban ti pagpaarabam?+
2 Lagipem ti gimongmo a ginun-odmo iti nabayagen a tiempo,+Ti tribu a sinubbotmo kas tawidmo,+Daytoy Bantay Sion a nagtaengam.+
3 Ingatom dagiti addangmo agingga kadagiti napaut a langalang.+Dakes ti panangtrato ti kabusor iti amin a banag iti nasantuan a disso.+
4 Dagidiay mangbusbusor kenka nagngerngerda iti tengnga ti paggigimongam.+Impasdekda dagiti bukodda a pagilasinan kas dagiti pagilasinan.+
5 Ti maysa agdindinamag iti panagbalin a kas kenkuana a mangitag-ay kadagiti wasay iti nangato maibusor iti kasamekan ti kaykayo.
6 Ket ita dagiti mismo a kitikit dayta, isuda amin, tumekenda uray pay babaen iti darapdap ken landok ti murdongna a malmalo.+
7 Ti santuariom induronda iti mismo nga apuy.+Tinabbaawanda ti tabernakulo ti naganmo agingga iti mismo a daga.+
8 Isuda, uray ti putputotda, kinunada a sangsangkamaysa iti bukodda a puso:“Amin dagiti paggigimongan ti Dios masapul a mapuoran iti daga.”+
9 Dagiti pagilasinanmi saanmi a nakita; awanen a pulos ti mammadto,+Ket awan maysa kadakami a makaammo no kasano kabayag.
10 Kasanonto kabayag, O Dios, a mangum-umsi ti kalaban?+Ti kabusor agtultuloyto aya a saanna a raemen ti naganmo iti agnanayon?+
11 Apay a ti imam, ti mismo a makannawan nga imam, isansanudmo+Manipud iti tengnga ti barukongmo tapno pagnguduennakami?
12 Ket kaskasdi a ti Dios isu ti Arik manipud iti nabayagen a tiempo,+Daydiay mangar-aramid iti naindaklan a pannakaisalakan iti tengnga ti daga.+
13 Sika kiniburmo ti baybay babaen iti bukodmo a pigsa;+Binurakmo ti ul-ulo dagiti ulimaw ti baybay isuda nga adda iti dandanum.+
14 Sika rinumekrumekmo ti ul-ulo ti Leviatan.+Intedmo dayta kas taraon kadagiti tattao, kadagidiay agnanaed kadagiti awanan danum a rehion.+
15 Sika Daydiay nangbisngay iti ubbog ken iti napegges nga ayus;+Sika pinagmagam dagiti kanayon nga agay-ayus a karayan.+
16 Kukuam ti aldaw; kasta met, kukuam ti rabii.+Sika insaganam ti silaw, ti mismo nga init.+
17 Sika ti nangipasdek kadagiti amin a beddeng ti daga;+Ti kalgaw ken kalam-ekna—sika binukelmo ida.+
18 Lagipem daytoy: Ti met laeng kabusor nangumsi, O Jehova,+Ket ti maysa a nakuneng nga ili saanna a rinaem ti naganmo.+
19 Dika ited iti atap nga animal ti kararua ti pagawmo.+Dika lipaten iti agnanayon ti mismo a biag dagidiay naparigatan a kukuam.+
20 Kitaem ti tulag,+Ta dagiti nasipnget a lugar iti daga napnoda kadagiti pagyanan ti kinaranggas.+
21 O daydiay nailupitlupit saan koma nga agsubli a naipababa.+Daydiay naparigatan ken daydiay napanglaw idaydayawda koma ti naganmo.+
22 Tumakderka, O Dios, tamingem ti bukodmo a kaso iti linteg.+Lagipem ti pannakaumsim manipud iti daydiay nakuneng iti intero nga agmalem.+
23 Dika lipaten ti timek dagidiay mangbusbusor kenka.+Ti daranudor dagidiay tumaktakder a bumusor kenka agpangpangato a patinayon.+
