Salmo 109:1-31
Iti mangiwanwanwan. Ni David. Samiweng.
109 O Dios ti panangidaydayawko,+ dika agulimek.+
2 Ta ti ngiwat daydiay nadangkes ken ti ngiwat ti panangallilaw naglukatda maibusor kaniak.+Nagsaoda maipapan kaniak babaen iti dila ti kinaulbod;+
3 Ket pinalikmutandak iti sasao ti gura,+Ket makiruprupakda kaniak nga awan gapgapuna.+
4 Maipaay iti ayatko busbusorendak;+Ngem iti biangko adda kararag.+
5 Ket aramidenda kaniak ti dakes kas subad ti naimbag+Ken gura kas subad ti ayatko.+
6 Mangdutokka iti nadangkes a mangaywan kenkuana,Ket ti met laeng manangsaranget+ agtalinaed koma a sitatakder iti makannawanna.
7 Inton isu maukom, rummuar koma a kas maysa a nadangkes;Ket ti mismo a kararagna agbalin koma a basol.+
8 Ti al-aldawna bumassit koma;+Ti akemna a panangaywan alaen koma ti sabali.+
9 Ti annakna agbalinda koma nga awan amana nga ubbing+Ket ti asawana agbalin a balo.+
10 Ket di bumurong a bay-an nga agallaalla ti annakna;+Ket makilimosdanto,Ket agsapuldanto iti taraon manipud kadagiti langalang a dissoda.+
11 Ti mangngam-am palab-oganna koma ti isuamin nga adda kenkuana,+Ket dagiti ganggannaet+ samsamenda koma ti bunga ti panagbannogna.+
12 Isu awanan koma iti asinoman a mangipaay iti naayat a kinamanangngaasi,+Ket awan koma ti asinoman a mangipakita iti parabur kadagiti awan amana nga ubbingna.
13 Ti putotna agpaay koma iti pannakagessat.+Iti sumaganad a kaputotan mapunas koma ti naganda.+
14 Ti biddut dagidi ammana lagipen koma ni Jehova,+Ket ti basol ni inana+—saan koma a mapunas.+
15 Addada koma a patinayon iti sanguanan ni Jehova;+Ket ti pakalaglagipan kadakuada gessatenna koma iti mismo a daga;+
16 Iti rason a saanna a linagip a watwaten ti naayat a kinamanangngaasi,+No di ket kinamkamatna ti naparigatan ken napanglaw a tao+Ken daydiay napagliday ti pusona, tapno isu papatayenna.+
17 Ket inay-ayatna ti lunod,+ iti kasta dimteng dayta kenkuana;+Ket saanna a nagragsakan ti bendision,+Iti kasta nayadayo dayta kenkuana;+
18 Ket isu nakawesan iti lunod kas pagan-anayna.+Gapuna simrek dayta kas dandanum iti tengngana+Ken kas lana kadagiti tulangna.
19 Agbalin koma kenkuana dayta a kas maysa a kawes a pangbalkutna iti bagina+Ken kas maysa a barikes a pagtalinaedenna a sibabarikes iti bagina a patinayon.+
20 Daytoy isu dagiti supapak manipud ken Jehova iti daydiay mangbusbusor kaniak+Ken kadagidiay agsasao iti dakes maibusor iti kararuak.+
21 Ngem sika ni Jehova a Soberano+ nga Apo.Makilangenka kaniak maipagapu iti naganmo.+Agsipud ta ti naayat a kinamanangngaasim naimbag, ispalennak.+
22 Ta naparigatanak ken napanglawak,+Ket ti met laeng pusok nasalput iti unegko.+
23 Kas iti maysa nga anniniwan no agpukaw, mapilitanak a pumanaw;+Naiwagnesak a kas iti maysa a dudon.
24 Dagiti met laeng tumengko naglialida manipud panagayunar,+Ket ti mismo a lasagko imres, nga awanan iti aniaman a lana.+
25 Ket kadakuada siak nagbalinak a maysa a maum-umsi.+Isuda kitaendak—rugianda nga ingilangil ti uloda.+
26 Tulongannak, O Jehova a Diosko;+Isalakannak maitunos iti naayat a kinamanangngaasim.+
27 Ket maammuanda koma a daytoy ti imam;+A sika, O Jehova, inaramidmo dayta.+
28 Isuda, iti biangda, mangyebkasda koma iti panangilunod,+Ngem sika, iti biangmo, mangyebkaska koma iti pamendision.+Timmakderda, ngem mabainanda koma,+Ket ti bukodmo nga adipen agrag-o koma.+
29 Dagidiay mangbusbusor kaniak makawesanda koma iti pannakaipababa,+Ket balkutenda koma ti bagbagida iti bainda a kas iti awan manggasna a lambon.+
30 Idayawkonto ni Jehova iti kasta unay babaen iti ngiwatko,+Ket iti tengnga ti adu a tattao isu idaydayawkonto.+
31 Ta isu agtakderto iti makannawan ti napanglaw,+Tapno isalakanna kadagidiay manguk-ukom iti kararuana.
