Salmo 3:1-8
Samiweng ni David idi agtaltalaw maigapu ken Absalom nga anakna.+
3 O Jehova, apay nga immadu dagiti kabusorko?+Apay nga adu ti tumaktakder a bumusor kaniak?+
2 Adu ti agkunkuna maipapan iti kararuak:“Awan ti panangisalakan kenkuana ti Dios.”+ Selah.
3 Ket kaskasdi a sika, O Jehova, maysaka a kalasag iti aglikmutko,+Ti dayagko+ ken Daydiay mangipangato iti ulok.+
4 Babaen iti timekko umawagakto ken Jehova a mismo,Ket sungbatannakto manipud nasantuan a bantayna.+ Selah.
5 No maipapan kaniak, agiddaakto tapno maturogak;Sigurado nga agriingakto, ta ni met laeng Jehova agtultuloy a saranayennak.+
6 Saanakto nga agbuteng iti sangapulo a rinibu a tattaoA naguurnos a maibusor kaniak iti aglikmut.+
7 Tumakderka,+ O Jehova! Isalakannak,+ O Diosko!+Ta amin dagiti kabusorko kabilemto iti pangalda.+Dagiti ngipen dagidiay nadangkes burakemto.+
8 Ti panangisalakan kukua ni Jehova.+Ti bendisionmo adda iti ilim.+ Selah.
