Salmo 114:1-8
114 Idi a ti Israel rimmuar manipud Egipto,+Ti balay ni Jacob manipud maysa nga ili a di matarusan ti panagsaona,+
2 Ti Juda nagbalin a nasantuan a dissona,+Ti Israel nagbalin a naindaklan a pagturayanna.+
3 Nakita ti mismo a baybay ket nagtalaw;+No maipapan iti Jordan, nangrugi nga agsanud.+
4 Dagiti met laeng bantay naglagtolagtoda a kas kadagiti kalakian a karnero,+Dagiti turod kas kadagiti kordero.
5 Ania ti napaspasamak kenka, O baybay, ta nagtalawka,+O Jordan, ta nangrugika nga agsanud?+
6 O bambantay, ta naglagtolagtokayo a kas kadagiti kalakian a karnero;+O turturod, kas kadagiti kordero?+
7 Gapu iti Apo agrigatka iti nakaro, O daga,+Gapu iti Dios ni Jacob,
8 Daydiay mangbalbaliw iti bato nga agbalin a naruno a ban-aw ti danum,+Iti maysa a pimmamulinawen a bato nga agbalin nga ubbog ti danum.+
