Salmo 83:1-18
Kanta. Samiweng ni Asaf.+
83 O Dios, awan koma ti panagulimek iti biangmo;+Dika agtalinaed a napaumel, ket dika agtalinaed a naulimek, O Nadibinuan.+
2 Ta, adtoy! dagiti mismo a kabusormo agderderraawda;+Ket dagidiay mismo a nakaro ti pananggurada kenka intangadda ti uloda.+
3 Maibusor iti ilim sisisikap nga itultuloyda ti kompidensial a saritaanda;+Ket agkukumplotda maibusor kadagidiay intalimengmo.+
4 Kinunada: “Umaykayo ket punasentayo ida kas maysa a nasion,+Tapno ti nagan ti Israel saanton a malagip.”+
5 Ta buyogen ti puso nagkaykaysada a nagpipinnatigmaan;+Maibusor kenka namatalgedda uray iti maysa a tulag,+
6 Dagiti tolda ti Edom+ ken dagiti Ismaelita, Moab+ ken dagiti Hagrita,+
7 Gebal ken Ammon+ ken Amalek,Filistia+ agraman dagiti agnanaed iti Tiro.+
8 Kasta met, ti mismo nga Asiria naikappon kadakuada;+Nagbalinda a maysa a takiag iti annak ni Lot.+ Selah.
9 Aramidem kadakuada ti kas ken Midian,+ ti kas ken Sisera,+Ti kas ken Jabin+ idiay naapres a ginget ti Kison.+
10 Natalipuposda idiay En-dor;+Nagbalinda a ganagan maipaay iti daga.+
11 No maipapan kadagiti natan-okda, pagbalinem dagitoy a kas ken Oreb ken kas ken Zeeb,+Ket kas ken Zeba ken kas ken Zalmunna amin dagiti dukeda,+
12 Isuda a nagkuna: “Tagikuaentayo dagiti disso a pagyanan ti Dios maipaay iti bagbagitayo.”+
13 O Diosko, pagbalinem ida a kas iti agal-alipuno a siit,+Kas iti naggapasan iti sanguanan ti angin.+
14 Kas iti apuy a mangpuor iti bakir+Ken kas iti gil-ayab a mangkesset kadagiti bantay,+
15 Iti kasta met laeng a wagas kamatem koma ida babaen iti nadawel a bagyom+Ket riribukem koma ida babaen iti mismo a bagyom nga angin.+
16 Punnuem dagiti rupada iti pannakaibabain,+Tapno dagiti tattao birokenda koma ti naganmo, O Jehova.+
17 O mabainan ken mariribukanda koma iti amin a tiempo,+Ket maab-abida koma ken mapukawda;+
18 Tapno maammuan koma dagiti tattao+ a sika, nga agnagan Jehova,+Sika laeng ti Kangatuan+ iti intero a daga.+
